Sikukip Aarsleffilu akornanni isumaqatigiittoqalerpoq
Nuummi umiarsualivimmik alliliineq pillugu suliffeqarfissuit marluk ukiut sisamat isumaqatigiinngereerlutik maanna isumaqatigiilerput. Suliffeqarfiit isumaqatigiissitsiniartarfimmi suliap nalunaarutigineqarsimasup unitsinneqarnissaa aalajangiuppaat. Isumaqatigiilerneq pillugu annertunerusumik paasissutissiisoqassanngitsoq suliffeqarfiit nalunaarutigaat.
Nuummi umiarsualivissuup sanaartorneqarnerani qaammatini qulini kinguaatoorneq Namminersorlutik oqartussat suliffeqarfiutaaniit Sikuki Nuuk Harbourimiit aamma entreprenøri Per Aarsleff Kalaallit Nunaanniit ukiorpassuarni isumaqatigiinngissutigineqarpoq.
Umiarsualivissuup augustimi 2017-imi aatsaat tunniunneqarnera Sikukip naammagisimaarsimanngilaa, illuatungaanilu sanaartortut sivitsuinissamik aningaasanillu allanik piumasaqarlutik.
- Sikuki Nuuk Harbour A/S-ip aamma Per Aarsleff A/S-ip, umiarsuarlivimmik alliliinerup aamma containerinut umiarsualiviup sananeqarnerisa aggusti 2017-imi naammassineqartut kinguartoornerat pillugu isumaqatigiinngissummi isumaqatigiilertoqarsimanera matumuuna nalunaarutigisinnaavaat.
- Suliffeqarfiit marluullutik isumaqatigiilerneq aamma isumaqatigiissitsiniartarfimmi suliap nalunaarutigineqarsimasup unitsiinnarneqarnera iluarisimaarpaat, suliffeqarfiit tusagassiuutinut taama nalunaaruteqarput.
Sikuki Nuuk Harbour-imi pisortaaneq, John Rasmussen aanna Per Aarsleff A/S-imi pisortaaneq, Jesper Kristian Jacobsen tusagassiuutinut nalunaaruteqartuupput.
Tusagassiutinut naluaarummi matumani paasissutissat saniatigut, suliffeqarfiit akornanni isumaqatigiissutigineqarsimavoq, isumaqatigiissutip imarisai tusarliuteqqusaanngitsut.
Suliassanngortitsineq coronalu
Saqitsaassutigineqartoq piffissamik atuiffiusimavoq akisoqalunilu. Isumaqatigiissitsiniartarfimmi suliassanngortitsinerup 2022-mi naammassineqarnissaa Sikuki Nuuk Harbourimi siulersuisuni siulittaasup, Lars Karlssonip apriilimi oqaatigaa.
- Sikuki umiarsualiviup tunniunneqarnissaa kingusinaarmalli isumaqatigiissitsiniarnissamut piareersarnermi aningaasarpassuarnik atuisimavoq, naatsorsuutigineqarporlu 2022-p aallartinnerani aalajangiisoqassasoq, siulersuisut siulittaasuat Sverigemi najugaqarfimminit mailikkut ilisimatitsivoq, siulersuisuni siulittaasoq apriilimi Sermitsiaq.AG-imut oqarpoq.
Saqitsaassutigineqartup saniatigut umiarsualivissuup coronap tuniluunera pissutaalluni umiarsuit 2020-mi Kalaallit Nunaannut tikittussaraluit tamaasa taamaatiinnarsimavaat. Tamanna umiarsualiviliutileqatigiiffimmut to millionit koruuninik annaasaqarfiuvoq,
Sikuki Nuuk Harbour A/S juunimi ataatsimeersuarpoq. Tassani erserpoq suliffeqarfik 9,4 millionit koruuninik 2019-imi sinneqartooruteqartoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...
