Skip to main content

Sikukimi siulersuisuni ilaasortat pingasut taarserneqartut

Sikuki Nuuk Harbourimi nalinginnaasumik ataatsimeersuarnermi siulersuisuni ilaasortat pingasut taarserneqarput. Siulittaasoq Lars Karlsson siulittaasuuginnassaaq.

Namminersorlutik Oqartussat pigisaat Sikuki Nuuk Harbour, Nuummi talittarfinnik ingerlataqartuusoq sisamanngormat ataatsimeersuarpoq.

Ataatsimeersuarnermi siulersuini ilaasortanngortut pingasut tikilluaqquneqarput:

  • Heidi Jeremiassen
  • Ivalu Kleist
  • Steen MontgomeryAndersen

- Siulersuisunut ilaasortat nutaat pingasuusut taakku, Berit Koertz aamma Lars Borris Pedersen, ukiumoortumik ataatsimeersuarnermi siulersuisunit tunuarnissartik kissaatigalugu piginnittumut siumut nalunaaruteqarsimasunut, kiisalu Christine Tønnesenimut, taartaapput, suliffeqarfik tusagassiorfinnut nalunaarummini ilisimatitsivoq.

Sulisimanerannut qujasoq

Siulersuisuni siulittaasoq Lars Karlsson siulittaasuuginnassaaq. Siulersuisunilu ilaasortaajunnaartut sulisimanerannut qujavoq:

- Berit Koertz, aallaqqaataanili 2013-imi peqataasimasoq, umiarsualiviup allilerneqarnerani
aningaasaliinermut atatillugu suliaanut annertuunut immikkut qujaffigerusuppara. Heidi Jeremiassenip, Ivalu Kleistip aamma Steen Montgomery-Andersenip naapinnissaat qilanaaraara, taamatullu pitsaatigisumik suleqatiginissaat qilanaaralugu, Lars Karlsson oqarpoq.

Sikuki Nuuk Harbour 2019-imi akileraarutit sioqqullugit 9,4 milliuunit koruuninik sinneqartoorpoq.

Namminersorlutik Oqartussat ataanni ingerlanneqartuni siulersuisut upernaaq manna taarserarneqangaatsiarput. Visit Greenlandimi, Illuut-mi Kalaallit Airportsimilu taarsiisoqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER