pisortaq nutaaq

Sikuki Nuuk Harbour A/S nutaamik pisortartaarpoq

Maanna pisortaasoq Jesper Johannesen nutaanik unammilligassarsiorpoq. Taartigaa islandimiu Pall Hermannasson

Grafik af containerterminal i Nuuk
Nuummi containerinut terminaleqarfissap titartarneqarnera

Sikuki Nuuk Harbour A/S, Nuummi containerinut terminaleqarfissamik pilersitsisussaq. nutaamik pisortartaarpoq.

Sikuki Nuuk Harbour A/S-imi pisortanngorpoq islandimiu Pall Hermannsson. Taassuma pisortatut kingoraarpaa Jesper Johannesen. Jesper nutaanik unammilligassarsiorniarpoq, taamaattumillu isumaqatigiissuteqaqatigiinnikkut pisortatut tunuarluni. Pall Hermannssonip tullersortigissavaa aningaasanut pisortatut atorfinitsinneqaqqammersoq Ole Sonntag.

Umiarsualivimmik selskabimillu nutaamik pilersitsinerit immikkoortunut arlalinnut avissimapput. Suliarinnittussarsiuussineq naammassineqarluareersoq entreprenøritullu selskabip Per Aarsleff Grønland-ip suliassaq aallartereeraa, immikkoortup tullia aallartittussanngorpoq, taamaattumik pisortap taatrserneqarnissaanut piffissaq naleqqulluarpoq, siulersuisut siulittaasuat Lars Karlsson oqarpoq.

Misilittagaqarluartoq

Pall Hermannsson umiarsuarmi aqumiutut ilinniagaqarsimavoq, kingornalu Reykjavik-imi suliffeqarfimmi Samskip-imi terminal-it ingerlanneranni nunamilu assartuinermi pisortaasimalluni. Tamatuma saniatigut Kangiani Qiterlermi Europamilu nunani arlalinni umiarsualivinni terminalinik ingerlatsineq, quersuarnik ingerlatsineq assartukkanillu ingerlatitseqqinnerit isumagisarsimavai, aammalu FN-p Irak-imi umiarsualiviit ineriartortinnissaannik programmiani, UNDP-mi, seniorrådgiver-itut sulisimalluni, taamatut paasissutissiivoq Sikuki Nuuk Harbour A/S.

Pisortat nikinnissaat sivisujaamik piareersarneqarsimavoq, Pall Hermannsson-ilu ullumimiit sulilersoq Sikuki Nuuk Harbour A/S paasissutissiivoq.

Powered by Labrador CMS