SIK: Aqqusinermi tuniniaasarnerit eqqarsarnarput
Naak Nuummi Kalaaliaqqap eqqaani tuniniaasoqaraluartoq Kalaaliaqqap tunisassaateqannginnera pissutigalugu matuneqarsimanera SIK-p siulittaasuata Jess G. Berthelsenip tupigusuutigaa
- Maannakkut ilaasortagut angerlartinneqarput Kalaaliaqqamut tuniniagassanik eqqussiumasoqarusunngimmat. Kaaliaqqap sananeqarnera akileraartartut akiligaannik qanoq akilerlugu sananeqarpa ?
Sooq maannakkut matussava, uffalu qulinik alloraanni kalaaliminernik pisiassanik
ulikkaartoq kalaaliaqqamut eqqunneqarsinnaasimagaluartut, SIK-p siulittaasua Kommuneqarfik Sermersuumut aperivoq imatullu apereqqilluni:
- Kialu qulakkeerpaa taakani tuniniaasut pissusissamisoortumik akileraartut ? Taakkuami aamma Peqqinnissaqarfimmik, meeqqerivinni, atuarfinnik allanillu ilaasortatsitulli
atuisuupput, taanna tusagassiuutinut nalunaarummi allappoq.
-Ingen råvarer tilført
Kommuneqarfik Sermersuumi attaveqatigiinnermut pisortap Lars Damkjærip, tallimanngormat Kalaaliaqqap tunisassaateqannginnera pissutigalugu matoqqatinneqarsimanera paasissutissiaraa. Taassumali erseqqissaatigaa, unioqqutitsilluni aqqusinermi tuniniaasoqartilllugu kommuni pinnani Inuussutissalerinermut Oqartussaaffik iliuuseqartartussaasoq.
Kalaaliaratoqqap matunerata kingorna Brugsenip saavani tuniniaasut amerleriaateqarsimasut, Uumasunut Nakorsaqarfimmi Inuussutissalerinermullu Oqartussaaffimmi uumasut nakorsaanerata Eigill Steingrimssonip Sermitsiaq.AG-mut paasissutissiaraa.
- Kalaaliaratoqaq iluarsartuunneqarpoq, taamaammat tamaaniinnaq tuniniaasoqarnera takussaalernikuuvoq. Aaqqiissut pitsaanerpaanngikkaluarpoq, piniartummi allani tuniniaavigisinnaasaannik soqarpianngilaq, Eigill Steingrimsson paasissutissiivoq.
Taassuma paasissutissiaraa, ukioq kingulleq GFLK suleqatigalugu misissuisoqarmat Brugsenip saavani tuniniaasut Kalaaliaratoqqami tuniniaanissaat innersuussutigineqartarsimasoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...