SIK: 1. maj pisarnertungajak ingerlanneqassaaq.
Siorna ileqquusutut maajip aallaqqaataasiornissaq coronamut atatillugu killilersuinerit pissutigalugit taamaatiinnarneqarpoq. Ukioq manna killilersuutit eqqarsaatigalugit ingerlaaqatigiinnermi, oqalugirtoqarnerani kaffillertoqarneranilu ingerlatsineq allaanerussaaq.
Nuummi sulisartut ulluaanni maajip aallaqqaataani appaluttumik erfalasulisaarluni ingerlaaqatigiinneq Amisunit nal. 13.00 aallartinneqassaaq. Tamatuma kingorna Katuami nal. 16.00-p tungaanut oqalugiartoqarlunilu kaffillertoqassaaq.
SIK-p immikkoortortaqarfianit, NSIP, ilisimatitsissutigineqarpoq, Katuamut isersinnaatitaasut qatserisartoqarfimmit akuerineqarsimasut amerlanerpaaffissaasa affaannaat isersimaqqusaasussammata.
Oqalugiarnerit aliikkusersuinerillu
- Taamaattorli SIK-p siulittaasuata, kattuffiup immikkoortortaqarfiata siulittaasuata politikkikkullu siulersortaasut oqalugiartussaanerisigut kiisalu aliikkusersuisoqarlunilu erinarsoqatigiittoqartussaaneratigut ullormi tassani pisussat coronap siornatigutungajak ingerlasussanngorput, SIK tusagassiorfnnut nalunaaruteqarluni allappoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...