Skip to main content

SIK: Suliffeqanngitsut Danmarkimut nuuttarput

Sulisartut kattuffiata siulittaasuata Jess G. Berthelsenip maajip aallaqqaataani oqalugiarnermini suliffissaaleqineq ilaatigut eqqartorpaa. Oqalugiaataa tamaat atuaruk

Sulisartut Kattuffiata siulittaasuata Jess G. Berthelsenip Kalaallit Nunaanni suliffissaaleqineq maajip aallaqqaataani oqalugiarnermini eqqartungaatsiarpaa. Nuup katersortarfiani oqalugiarpoq.
 
Sulisartut ulluat malunnartinniarlugu aappaluttunik erfalasulisartoqarpoq, ingerlaaqatigiittullu katersortarfiliaqatigiillutik, tassani oqalugiartoqarlunilu kaffillertoqarpoq. Oqalugiarnera nalunaaqutaq 13.30-ip pissaani aallartippoq. 

Jess G. Berthelsenip oqalugiarnermini suliffissaaleqisut qanoq pineqartarnerat oqalugiarnermini ilaatigut ilannguppaa. SIK-mi ilaasortaasut suliffissaarukkaangata, atugarisaasut pitsaanerusut ujartorniarlugit Danmarkimut nuuttartut oqaatigaa.

- Isumaginninnikkut nunatsinni pissutsit ilaatigut peqqutaaqataapput ilaasortat-ta ilarpassuisa maannakkut Darmarkimut nuuttarnerannut. Taamaattoqarnera-lu ajuusaarnarluinnarpoq. Tassami maani nunaminni naammaginartumik isu-magineqarsinnaanngikkaangamik nalunagulu allami pitsaanerusumik isuma-gineqarsinnaallutik, taava pitsaanerusumik isumagineqarsinnaaffimminnukas-sapput – tassalu naalagaaffeqatitsinnut Danmarkimut, kattuffimmi siulittaasoq oqarpoq. 

Suliffissat nutaat
Aalisarnermi aatsitassarsiorfinnilu nutaanik suliffissanik pilersitsinissaa pingaaruteqartoq oqaatigaa. 
SIK-miimmi piumasarineqarpoq raajat Kalaallit Nunaata imartaani pisarineqartut, Kalaallit Nunaanni naammassillugit suliarineqartassasut, soorlu qaleralinniarnermi taamaasiortoqartartoq. 
Uranitalinnik piiaasoqarnissaa aamma SIK-mit ammaffigineqarpoq. 

- Uranitaqalaartunik aatsitassarsiornissamut akuersaarnerput imaanngilaq ilaasortatta peqqissusiannik ajoqusiisinnaanera soqutiginngikkipput. Taamaanngilluinnarpoq. Ilaasortatta peqqissusaat aatsaat navianartorsiortinneqassanngippat akuersaarsinnaavarput uranitaqalaartunik aatsitassarsiornermi sulisorineqarnissaat, Jess G. Berthelsen naqissusiivoq. 

SIK-p siulittaasuata maajip aallaqqaataani oqalugiaataa talerpiata tungaani atuarneqarsinnaavoq

Sermitsiaq.AG-mi ullup ingerlanerani assit ikkunneqassapput

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER