SIK og Royal Greenland: Tunisassiornermi sulisoqarnissaa qulakkeerusukkaat
Sulisartut kattuffiat SIK aamma Royal Greenland suleqatigiillutik tunisassiorfinni sulisussarsiorniarput
Sulisussaaleqisoqarnera pissutigalugu inuussutissarsiornermik suliaqartut pingaaruteqartut marluk qanimut suleqatigiilerput. Sulinermik Inuussutissarsiuteqartut Kattuffiat, SIK, nunatsinnilu suliffissaqartitsilluartartoq Royal Greenland, aalisartoqarluartillugu tunisassiornermi sulisoqartuaannarnissamik qulakkeererusupput.
SIK Royal Greenlandilu tusagassiutinut taama nalunaaruteqarput.
Assigiinngitsunik suliniuteqarnermi tunisassiorneq sulisussaqarnerlu sunnerniarneqarniarput. Royal Greenlandillu tunisassiorfiini tunisassiassanik pilersuinerup ingerlaavartuunissaa, ataatsimoorlutik qulakkeerniarniarpaat.
Juullertinnagu ataatsimiissapput
SIK-p Royal Greelandillu Aalisarnermut Naalakkersuisoq, Nikkulaat Jeremiassen, isumassarsiartik sinaakkutissallu pillugit juullertinnagu ataatsimeeqatigissavaat.
Sinerissap qanittuani aalisartut ataasiakkaat pisassiissutaasa niuerutaalersinnaanissaat illuatungeriit kissaatigaat, taamaasiornermi tunisassiornerup ataavartumik ingerlanneqarsinnaanera illuatungeriinnit naatsorsuutigineqarami.
Sinerissap qanittuani aalisarneq pillugu KNAPK qanimut suleqatigineqaannarnissaa, SIK-p Royal Greenlandillu ilanngullugu tusagassiutinut nalunaarutigaat.