Oqaloqatigiinneq

SIK-p Nunarput tamaat qassimiuaarnissamut peqatiseraa

SIK-mit inuit ataatsimeeqatigiinnissaannut Kalaallit Nunaani innuttaasut tamaasa peqatiserai, Qassimiuaarneq, kattuffiup ukuni 60-inngortorsiornerani junip 28., 29. aamma 30. Juni 2016

Maajip aallaqqaataani aaqqissuussami assilisaq

Juulip aallaqqaataani sulisartut kattuffiat ukiuni 60-inngortorsiussaaq. SIK-p nalliuttorsiorneq malunnartillugu inuit ataatsimiinnerannik, Qassimiuaarneq, tassa qanga, maannakkut, siunissarlu, demokratii, ataatsimoorneq, inuit aallaavigalugit aaqqissuunniarpaa.

Aaqqissuussineq Nuummi Inussiviup saani pissaaq.

Ataatsimut pilersitsineq
- Isumaqarpugut inuit naapittarnerat tunngaviulluinnartuusoq, aammalu isumaqarluta inuuneq sorpassuartigut tassaasoq naapitagut peqatigalugit pilersitseqatigiiffissarput. Taamaattumik ataatsimoorneq nukittorsarniarlugu aaqqissuussivugut, kikkulluunniit naapiffigisinnaasaannik. Pissutigalugu isumaqaratta oqaloqatigiinneq oqallinnerlu tassaasut tamatta siunissatsinnik nukittoorsaataasussat, SIK-mi siulittaasoq Jess G. Berthelsen tusagassiuutinut nalunaarummi naqissusiivoq.

Politikimut, inuussutissarsiornermut, isumaginninnermut kulturimullu tunngasunik annertuumik oqallinnermik pilersitsiffiusussat qitiutillugit Qassimiuaarnermi ataatsimoorneq nalliuttorsiutigineqassaaq.

Oqaloqatigiinnermik pilersitsissasoq
Nunani Avannarlerni Atlantikullu Avannaani sumiinneq apeqqutaatinnagu illugiilluni oqallinnernik, attaveqatigiinnernik suleqatigiissutissanillu nutaanik pilersitsinissaq, tassani atajuartumik annertusiartortitsineq, ilinniartitaaneq suliffissaqarnerlu - takornariaqarneq, aatsitassat aalisarnermilu inuussutissarsiutit immikkut qitiutinneqarnerat Qassimiuaarneq 2016-imi siunertaapput.

Powered by Labrador CMS