Skip to main content

SIK-p Namminersorlutillu Oqartussat isumaqatiginninniartuisa isumaqatigiissuteqarnermikkut suliumajunnaarnissaq pinngitsoortippaat

Illuatungeriit SIK-mi isumaqatigiissutit malillugit aningaasarsiortunut isumaqatigiissutissamut tunngaviusussaq isumaqatigiissutigaat. Naalakkersuisut isumaqatigiissut sisamanngornermi akuerissavaat, immikkuualuttullu kingulliit aasaanerani sulinngiffeqartoqareerpat isumagineqassallutik.

Nutarterneqartoq... Naalakkersuuisut isumaqatigiissummut tunngaviusoq sisamanngornermi akuerivaat.

Isumaqatiginninniartut qaammatini arlalinni kinguaattooreerlutik, SIK-p isumaqatigiissutai malillugit aningaasarsiortut 6000-it missaanniittut pillugit isumaqatigiissummut tunngaviusussaq isumaqatigiissutigaat. Isumaqatigiissummi immikkuualuttut aasaanerani sulinngiffeqartoqareerpat inissinneqarnissaat naatsorsuutigineqarpoq, Jess G. Berthelsenillu sulisartut assigiinngitsunik suliallit qanoq annertutigisunik qaffaaffigineqassanersut oqaaseqarfigerusunngilaa.

Naalakkersuisut sisamanngornermi SIK-p isumaqatigiissutaanut tunngaviusussat pillugit isumaqatigiissut isummerfigalugulu akuerivaat. Assigiinngitsunik suliallit aningaasarsiaasa qaffaassutissaat isumaqatigiissutigineqarput, Jess G. Berthelsen Sermitsiaq.AG-mut oqaluttuarpoq.

- Soorunami suli qaffasinnerusunik aningaasarsiaqartinneqarnissaat kissaatigaara, Namminersorlutillu Oqartussat akikinnerusumik angusaqarnissartik kissaatigisimasassavaat. Aningaasatigulli tunngavissaq isumaqatigiissutigaarput, neriuutigaaralu Naalakkersuisut ullumi tamanna akuerissagagaat, taanna oqarpoq.

Amerlanerit erninermut atatillugu sulinngiffeqartassasut

Isumaqatigiissut inunnut 6270-inut sulinerminnut atatillugu assigiinngitsunik isumaqatigiissutilinnut tunngassuteqarpoq.  

Jess G. Berthelsenip oqaatigaa, assigiinngitsunik suliaqartut aningaasarsiaannut qaffaassutissat inissinneqarsimasut, immikkuualuttortaalli juulip naanerani aggustilluunniit aallartinnerani isumaqatiginninniarsimasut aasaanerani sulinngiffeqareerpata aatsaat suliarineqarumaartut.

- Immikkuualuttortai tamarmik inissinneqarpata tusagassiorfitsigut nalunaaruteqassaagut, sulisartut kattuffianni siulittaasoq neriorsuivoq.

Jess G. Berthelsenilli erseqqissaassutigaa, pisartut ilaat isumaqatiginninniutigineqartariaqanngitsut:

- Ataaseq allanngortinneqarsinnaanngitsoq oqaatigissavara. Tassalu ilinniagalittut ilinniagaqanngitsutullu sulisut tamarmik aningaasarsiaqarlutik erninermut atatillugu sulinngiffeqarsinnaatitaanerat. Tamanna uagutsinnut pingaaruteqarpoq, allanngortinneqassanngilarlu.

Portørit suliumajunnaarnissamik taamaatitsisut

Isumaqatigiissutigissallugu suli inissivinneqanngitsoq tassaavoq, ilinniagaqanngitsutut sulisut piginnaasaqarluartut ilinniarsimasutut sulisut pisinnaatitaaffiisa assigannik pisinnaatitaaffeqalersinneqarnissaannik kissaateqarneq.

- Neriuutigaara, inaarutaasumik isumaqatigiissummi allanneqarsimassasoq, ilinniagaqanngitsut piginnaasaat tunngavigalugit ilinniagaqarsimasut isumaqatigiissutaannut ilanngunneqapallassasut, Jess G. Berthelsen oqarpoq.

Tamanna portørit aningaasarsiassaat sulinerannilu atugassarititaasut pillugit isumaqatiginninniarnermi naapeqatigiiffiusinnaanngitsut ilagisimavaat. Portørit aningaasarsiatik qaffanneqanngippata suliumajunnaarnissaq arlarleriarlutik sioorasaarutigisimavaat. Jess G. Berthelsenilli oqaatigaa, isumaqatigiissutissamut tunngaviusoq portørinit naammagisimaarneqartoq.

- Isumaqatigiissutitta portørit suliumajunnaartissanngilai, Jess G. Berthelsen oqarpoq.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER