Skip to main content

SIK-mi siulittaasoq: Peqqinnissaqarfik napparsimavoq

SIK-mi siulittaasup Jess G. Berthelsenip maajip aallaqqaasiornermi peqqinnissaqarfik ”napparsimanerarlugu” isornartorsiorpaa. Aningaasarsiat qaffanneqarnissat, perorsaasut kisimik pinnatik, sulisartulli amerlanerit aningaasarsiaasa qaffanneqarnissaat politikkerinut qinigaarlaanut piumasaqaatigineqarpoq

Ukiumut 1,5 milliarder koruunit Peqqinnissaqarfimmut atorneqartaraluartut, Peqqinnissaqarfik arlalippassuartigut napparsimavoq, Jess G. Berthelsen maajip aallaqqaataani Nummi oqalugiarami erseqqissaavoq.

Kalaallit Nunaata peqqinnissaqarfiani ilungersunartoqarneranut assersuusiorpoq.

Maani nakorsiaqattaaraluarlutik iluamik kiffartuunneqarsinnaannginnamik Danmarkimi privatimut nakorsiarput, tappavanilu paasineqarlutik kræfterlutik. Kisianni toqqannartumik Danmarkimi napparsimaveqarfinnut ikaarsaartinneqarsinnaanngillat.

Inuit qassit inuunerannik naleqassava?

- Nunatsinnukarteqqaarneqassapput, tassanilu nakorsaq immikkut ilisimasalik Danmarkimiit tikittussaq qaammat ataaseq utaqqisinnaasarpaat, napparsimasup
Danmarkiliarnissaanut nutaamik innersuussisussaq. Tamanna pissusissamisoorsinnaanngilaq, allaat inuup inuuneranik pinnguarnertut
taasariaqarpoq, SIK-mi siulittaasoq tullinnguuttumik apeqquteqartoq erseqqissaavoq:

- Taamatummi peqqinnissaqarfitta napparsimanera aammalu aningaasassaaleqinera maannakkut inuit inuunerinik qassinimmitaava naleqalerpa?

SIK--mi siulittaasup nuannaarutigaa, qineqqusaarnerup naammasineqaqqammersup ingerlanerani politikkerinit arlalinnit neriorsuutigineqarmat, meeqqerivinni sulisussaaleqineq aaqqiiffiginiarlugu, perorsaasut aningaasarsiaat qaffanneqassasut.

Tassunga atatillugu erseqqissaassutigaa, - perorsaasut saniatigut - allanik sulisoqartoq perorsaasutulli pingaaruteqartigisunik, taakkulu sulinerminni annertunerusunik aningaasarsiaqartinneqartariaqartuts. Assersuutigalugu eqqiaasut nunamilu aalisakkerivinni sulisut.

Soraarnerussutisiat ineqarnermullu tapiissutit

Jess G. Berthelsenip oqaatigaa, utoqqaat atugaat pitsaanerulersinneqartariaqartut.

- Soraarninngornerminni aningaasanik tigusartagaat qaffaaffigineqarluinnartariaqarput, ajuusaarnaraluartumimmi tusarsaaleraluttuinnarpoq ilaasortavut utoqqalillutik qasuersaarusukkaluarlutik qasuersaarsinnaanngitsut akissaqannginnertik pissutigalugu, maajip aallaqqaataasiornermi oqlugiartoq Ineqarnermut tapiissutit
aaqqivigineqarnissaat piffissanngorpoq, isertitatigut killissarititaasoq qaffanniarlugu, isertitatigut killissarititaasup qaffanneqartariaqarneranik oqaaseqartoq erseqqissaavoq.

Ilaasortarpassuaqarpugummi isertitatigut killissarititaasunik qaangeeqqasunik.
Isumaqarpugummi ineqarnermut akiliut aningaasarsiat annerpaamik 30 procentiinik angissuseqartariaqartoq. Tassami sineriassuatsinni ilaatigut inissiarpassuit piiaarpagut atorneqanngimmata, illuatungaatigullu Nuummi ilaasortagut ukiut 15-it utaqqisariaqartarput initaarniarlutik, Jess G. Berthelsen, nunaqarfiit illoqarfiillu anginerit aallaavigalugit nunap qanoq ineriartortinneqarnissaa pillugu oqallittoqarnissaata pingaaruteqarneranik isumaqartoq oqarpoq.

Uungaannaq isigivallaarneq

- Taamaammat aamma nunatta qanoq ineriartortinneqarnissaa oqallisaasariaqarluinnalerpoq. Ullumikkutut ingerlaannarsinnaanngilagut. Siorna
maani Nuummi 430-nik amerlisimavugut. Kialuunniit takorloorsinnaavaa taamatut
ingerlaannassagutta sineriapput qanoq inuerukkiartortigissasoq. Piffissanngorpoq
illoqarfinnik nunarfinnillu allanik inerisaaffiusussanik tikkuaanissaq – taamaanngippammi ilaasa anguniagartik angussavaat, tassa 2030-mi Nuummi 30.000-inngussasugut. Anguniagaq alutornartoq, kisianni uungaannaq isigivallaartoq. Aperisariaqarattami: Taavami sineriak?, SIK-mi siulittasoq takkussimasunut aperivoq.

Ilanngullugu oqaatigaa, aatsitassarsioneq aallartinneqartariaqartoq, ingerlatseqatigiiffiit amerlanerit suliffissanik isertitassanilu qulakkeerinninniassammata, tassa aalisarneq kisiat isumalluutigineqarsinnaanngimmat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER