Angallanneq

SIK-ip kiffartuussinermut isumaqatigiissutit isornartorsiorpai

Angallannermut kiffartuussinermut isumaqatigiissutit nutaat inuiaqatigiinnut akisusinnaapput, SIK isumaqarpoq

Angallannermut tunngatillugu kiffartuussinermut isumaqatigiissutinut isornartorsiuisunut SIK maanna ilannguppoq. Inuiaqatigiinnut aamma sulinermik inuussutissarsiortunut akisusinnaavoq, kattuffik isumaqarpoq.

Atuaruk: Kommune Kujalliup kiffartuussinissamut isumaqatigiissut dumpertippaa

Disko Linep ilaasut ingerlariaqqissinnaanngikkallartut unnuinerannut akiliussisarniannginnera SIK-p ilaatigut taakkartorpaa, ilaasut nammineerlutik tamanna akilertassavaat.

Atuaruk: Kiffartuussinissamut isumaqatigiissutit nutaat pillugit akerliussutsimik takutitsineq

Aningaasat iluamik atorlugit
Attaveqarnermut naalakkersuisup Knud Kristiansenip (A) neriorsuutigaa, Namminersorlutik Oqartussat akiliussisassasut. Tamatumali SIK eqqissiallatsinngilaa.

- Taamaattorli taamatut unnuinernik Namminersorlutik Oqartussat akiliisarnissaannik neriorsuuteqarnerup kingunerisaanik inuiaqatigiinnut, taamalu ilaasortatsinnut angallannermut kiffartuussinissamut isumaqatigiissut akisuneruleriataaginnarsinnaanera SIK-p ernumassutigaa, SIK-p siulittaaasua Jess G. Berthelsen oqarpoq.

Assit takukkit: Qaqortumi akerliussutsimik takutitsisut aatsaat taama amerlatigisut

Naalakkersuisut eqeersimaanngitsut
Aningaasat atorfissaqarnerusunut atorneqaraluarpata, sulinermik inuussutissarsiuteqartut pissarsiaqarnerussagaluartut, taanna isumaqarpoq.

- Taamaasillunimi aningaasat ilaasortatsinnit allamut atorneqarsinnaagaluartut, soorlu assersuutigiinnarlugu Peqqinnissaqarfimmut imaluunniit inissianut akiliuteqartitsinermut apparsaataasinnaagaluartut, taamaalillutik unnuisitsinernut atorneqartalisammata, taanna oqarpoq.

Atuaruk: IA: Kiffartuussinissamut isumaqatigiissutini innuttaasut ilanngunneqarlik

Taassuma aamma tupigusuutigaa, angallannermi kiffartuussinissamut isumaqatigiissutissaq suliarineqarmat unnuisitsisarnissamut tunngasut eqqarsaatigineqarsimanngimmata,.

- Tamanna pikkorliornertut isigineqartariaqarpoq, Jess G. Berthelsen naggasiivoq.

Powered by Labrador CMS