Skip to main content

SIK: Aalisartut avannaamiut tamatigut naakkigineqartarput

– Qaleralittassat nungunneqaraangata ilaasortakka ajornartorsiornersaasarput. SIK-p siulittaasua Jess G. Berthelsen oqarpoq

Nunatsinni aalisarnermi suliffinnik ataavartunik qanoq pilersitsisoqarnissaanik politikerit isumaat suilnermik inuussutissarsiuteqartut kattuffiata SIK-p isumaqatiginngilaa. Upernavimmi umiarsuarmik tunitsivimmik inissiisoqarnissaanik Inatsisartunut ilaasortap Finn Karlsenip siunnersuutaa SIK-p siulittaasuata Jess G. Berthelsenip  aqaqguani saqqummiunneqarnerani atorsinnaannginnerarpaa.
– SIK isumaqarpoq tunngavisusumik nunami tunitsiviit inerisaavigineqartariaqartut ilaasortagut sapinngisamik ukioq kaajallallugu suliffissaqarsinnaanerat anguniarlugu. SIK isumaqanngilaq umiarsualeeqattaarnikkut suliffiit ataavartut pilersinneqarsinnaasut, illuatungaatigulli nunami tunitsiviit ataavartumik ukioq kaajallaalugu ingerlanneqarsinnaaneri tamatta soqutigisariaqaripput. Tassanilu tikinneqanngitsoorsinnaanngilaq qaleralinnik qaammatikkaartumik pisassiisarnissaq, taannaavormi aalaakkaasumik ilaasortatsinnik suliffissaqartitsisinnaasoq, Jess G. Berthelsen tusagassiorfinnut nalunaarutikkut oqarpoq.
Tamatuma saniatigut iluarinngilaa aalisartut avannaamiut tamatigut pilliutigineqartutut nallinnartutut isigitinniarneqartarnerat:
– SIK-llu qatsulluinnarpaa avannaani qaleralinniat nallinnartunngorlugit eqqartorneqartuarneri, ilaatigut inuussutissaqannginnerarlugit naliliisoqartuarpoq, uffa kisitisit allarluinnar-mik oqaluttuartut, Jess G. Berthelsen oqarpoq, isumaqarporlu piffissanngortoq sulisartut atugarisaasa oqaluuserineqalernissaat.
– Tassami aalisagartassat nungukkaangata ilaasortagut tassaapput annertunerpaamik annaasaqartartut. Taannaannaanngilaq, nunatta akileraarutitigut aamma isertitassaralui annaaneqartarput, tamatumalu saniatgiut aamma inunnik isumaginninnermut aningaasartuutit qaffangaatsiartarput. Taamaattumik piffissanngorpoq eqqartussallugu sulisartut ukioq kaajallallugu qanoq sulisissinnaanerigut, isumaqarpugullu umiarsualeeqataaginnarnikkut tamanna ajornartorsiut aaqqiivigineqarsinnaanngitsoq, Jess G. Berthelsen oqarpoq.
Tamatuma saniatigut aalisartut piniartullu kattuffiata KNAPK-p nalunaarutaa tupigusuutigaa, taallugu paatsiveqanngitsutut.
Aamma Atuaruk: Tusarniaanermi akissutit isorinnimmata aalisarnermut inatsit kinguartinneqarpoq
Aamma Atuaruk: Aalisarnermut inatsit kinguartinneqarpoq
Aamma atuaruk: Aalisartut pitsaanerusunik atugaqarusupput
– Aamma tupigusuutiginngitsoorsinnaangilarput KNAPK-miik unammilleqatigiinneq eqqartorniaatigalugu ilaatigut umiarsualiiniartut aammalu nunami tunitsivinnik pilersitsiniartut Landskarsimiik tapiiffineqarnissaanik eqqartuinera, tassami aalisakkerisut aammalu aalisakkerinermik pilersitsiniartut ilaannai tapiiffigigaanni taava unammilleqatigiinneq eqqortoq pilersinneqarsinnaanngilaq, unammilleqatigiittoqassappammi tamarmik assigiimmik atugassaqartinneqartariaqarput, Jess G. Berthelsen isumaqarpoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER