Skip to main content

Siissisumit saqqummersitat nutaat qiimmattaatigalugit

Juunip 18-anni Nilliaannarit saqqummissaaq. Saqqummersitsisoqarnerani nillianissamut niaqqullu nipilersukkap rytmea malillugu aalatinnissaanut piffissanngorpoq. Nipilersukkat nutaat nuannerluinnarput.

Nipilersukkat nuanningaarmata qungujulaannalertarneq, aamma naakkut quinattutut misigisimasarneq nalunngilisiuk. Soorlu asannileqqagaanni. Siissisup saqqummersitaa nutaaq, Nilliaannarit uannut taama misigititsivoq. Soorlu aamma nipilersukkat saqqummersitaat siullerpaaq ”Aammarpassuillu” ukiut 20-t sinnerlugit matuma siorna taamaatsitsisoq, aviisi AG allappoq.

Nukappissat – imaluunniit maanna angutinngorsimasut – Siissisumeersut nipilersukkat nutaat digitaliusumik juunip 18-anni saqqummersissavaat. Tallimanngornermut tulluarpoq, qularnanngitsumillu weekendimi festini nuna tamakkerlugu nuannarineqarnerit ilaanniissaaq.

Nipilersoqatigiit nipilersukkat hard rockit heavy metalillu, qulingiluanik nipilersukkanik imaqartoq siornali suliarilerpaat. Kisianni taallartaat piffissani assigiinngitsuneersuupput.

- Soorlu erinaq Illoqarfik Ornitara 1993-imi siullerpaamik erinniaralugulu taalliaraara 14-inik ukioqarlunga. Soorlu aamma Mr. Evil Star 2003-mi immiuteqqaarpara Danmarkimi najugaqarlunga, sinnerilu 2009-2020 nalaani immiuttarsimavakka demoliorlunga, nipilersoqatigiit taalliortuat guitarertuallu Karl Enok Mathiassen aviisimut AG-imut oqarpoq. 

Siissisoq saqqummersitseqqilernerat pillugu uani AG-imi atuaruk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER