'Siaartakkamik' sukuutsertarfiliornissaq oqaluuserineqalersoq
Nuuk sukuutsertarfittaartariaqarpoq, Kommuneqarfik Sermersuumi kommunalbestyrelsimut ilaasortaq, Juaaka Lyberth (IA) taama isumaqarpoq. Kommunip ”katitertakkamik siaartakkamillu” sukuutsertarfeqalernissaanut periarfissap oqaluuserineqarnissaa, taassuma siunnersuutigaa.
- Nuuk issittumi illoqarfiit pingaarnersaattut sukuutsertarfeqartariaqaraluarpoq, meeqqanut, inuusuttunut inersimasunullu sikumi aalanerusitsisinnaasoq, ukiumi sisorarnissamut qamuteralannissamullu apilluarnissaanut utaqqinerup nalaani.
Kommunalbestyrelsimut ilaasortap Juaaka Lyberthip (IA) siunnersuutiminut ilaatigut taama tunngavilersuivoq.
Siunnersuut uani sapaatip akunnerani ataatsimiinnermi suliarineqassaaq, kommunip 2023-mi misissuinermik aallartitsinissaa siunertaralugu Nuummi sukuutsertarfinnik katitertakkanik pilersitsinissamut pilersaarummik suliaqarnissaq.
- Jesper Labansenip Nuummi ukiuni kingullerni ingerlannikuusaanit ”sukuuttertamit misissueqqaarnermi misilittakkanik aallerfiusinnaavoq. Sukuutertamit saqqummiussaq ilanngunneqarpoq, Juaaka Lyberth allappoq.
65.000 kr.-nut pissarsiarineqarsinnaasoq
Peqatigiiffik Sukuutserta ukiuni kingullerni Nuummi ukiuunerani Annersuarmi sukuutsertarfiliornermik suliaqartarpoq. Kommuni arlaanni aaqqiissummut pitsaanerusumut tapiissuteqarnissaa neriuutigalugu, Jesper Labansenip siornatigut Sermitsiaq.AG-mut oqaatiginikuuaa.
Kommunimut saqqummiussami innuttaasut amerlasuut Annersuarmi sukuutsertarfimmik, Sukuutsertap suliarisartagaanik atuisartut, Jesper Labansenip takutippaa.
Saqqummiussami sukuutsertarfik 'siaartagaq' 65.000 koruunit missaanni akeqassasoq, Jesper Labansenip missiliorpaa-
Kommunalbestyrelsip siunnersuut marlunngornermi oqaluuserissavaat.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...