Skip to main content

SF aamma EL: Danskit nunasiaateqarsimanerannit takussutissat katersugaasivimmiissapput

Danmarkimi katersugaasiveqassaaq, Danmarkip nunarsuarmi sumiiffinni arlalinni inussiiaateqarsimaneranit nunasiaateqarsimaneranillu oqaluttuarisaanerata ilaatut. Taannalu aningaasanut inatsimmut ilanngunneqassaaq, partiinit arlalinnit oqaatigineqarpoq.

Danmark nunasiaateqarsimanerminut atatillugu katersugaasiveqassaaq. SF-ip aningaasanut inatsisissap isumaqatiginninniutigineqarnissaanut piumasaqaataa taamatut nipeqarpoq. Aviisi Kristelig Dagblad allappoq.

Vestindisk Pakhusimi 7000 kvadratkilometerisut annertutigisumi inissisimassasoq, siunnersuutigineqarpoq.

Aatsaat taamatut isumassarsisoqanngilaq. Enhedslisten 2017-imi taamatut aamma siunnersuuteqarsimavoq, taamanikkulli tapersersorneqarsimanani. Aviili Kristilgi Dagbald naapertorlugu, danskit partiivisa arlaannaataluunnit isumassarsiaq maanna akerlerusunngilaat.

Oqaluttuarisaanerup ilisimasaqarnerulersissavaatigut

Enhedslistenip kulturikkut oqaaseqartartuata aamma Issittumut, Kalaallit Nunaannut Savalimmiunullu tunngasutigut oqaaseqartartuata Christian Juhlip tamatumannga sooq pingaartitsinerminut erseqqissaatigaa.

- Oqaluttuarisaanitsinnit pissarsiavut tikikkuminartunngortissavavut. Ullumikkut inuunitsinni ilisimasaqarnerulerniarutta qanga pisarsimasut inunnut eqqaasissutigisassavavut. Tamatumunnga katersugaasivik piukkunnarluinnartuuvoq, taamaammat pingaaruteqarpoq katersugaasiviliornissarput, taanna Sermitsiaq.AG-mut oqarpoq.

Christian Juhl oqarpoq, katersugaasiviup sumi inissisimanissaa suli aalajangiunneqarsimanngitsoq.

- Illoqarpoq danskit/kalaallit oqaluttuarisaanerannik tunngavilinnik, taakku katersugaasivittut atorluarneqarsinnaapput, taanna oqarpoq.

Black Lives Matter oqallisigineqaqqilermat SF nunasiaateqarsimanerup takussutissartaanut katersugaasiviliortoqarnissaanik siunnersuuteqarpoq. Oqallinnerup tamatuma malitsigisaanik nunarsuarmi tamarmi oqaluuserineqarpoq inussiaatissanik niuertoqartarsimaneranit ullumikkut kinguaajusut ikii mamisinniarlugit, eqqaassutissiat inunnullu eqqaassutissat nunasiaataasimanerup nalaaneersut piiarneqassanersut.

Hans Egede nutaamik angerlarsimaffittaarsinnaasoq

Inuiattut ullorsiornermi Hans Egedep eqqaassutissaa qalipaammik kuerarneqarsimavoq, "decolonize"-millu allaffigineqarsimalluni. Innuttaasut politikkerillu akornanni tamanna oqallinnersuarmik pilersitsisimavoq, tassa eqqaassutissaq peerneqassanersoq katersugaasivimmullu inissinneqassanersoq imaluunniit "imaanut inginneqassanersoq" pillugu oqallittoqaqaaq.

Christian Juhl isumaqarpoq, eqqaassutissat piiarneqartariaqartut, puigorneqassanngitsulli.

-Oqaluttuarisaanitsinni ajortut pisarsimasut aamma eqqaamassavavut. Taamaaliunngikkuttami ulorianartorsiussaagut, oqaluttuarisaanermimi kukkussutaasarsimasut ilinniarfigisariaqarpavut. Inuusuttut oqaluttuarisaanermik ilinniaqquniarsisigit oqaluttuarisaanermillu eqqarsaatigineqqullugit, taamaalillutimmi ilismasaqarnerulissapput, Christian Juhl oqarpoq.

Taassuma erseqqissaatigaa, kalaallit innuttaasut soorunami aalajangigassarigaat Hans Egedep eqqaassutissaa Nuummiittoq imaanut iginneqassanersoq imaluunniit katersugaasivimmut inissinneqassanersoq, Danmarkimi nunasiaateqarsimanermi takussutissanut katersugaasivimmut imaluunniit Nuummi Nunatta Katersugaasivianut inissinneqassanersoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER