Skip to main content

Sermitsiaq.AG-p Per Berthelsen Nunafondenilu ajugaaffigai

Sermitsiaq.AG-p KNR-illu Nunafondenip ingerlatsinermut aningaasartuutaanik isorinnittumik allaaserinnissimanerat Tusagassiineq pillugu aalajangiisarfiup isorisassaqartinngilaa

Nutaarsiassaqartitsiviup Sermitsiaq.AG-p KNR-llu 3013-imi Nunafondenip ingerlatsinermut aningaasartuutaanik isorinnittumik allaaserinninnerat isorisassartaqanngilaq.

Taamatut naliliivoq tusagassiineq pillugu aalajangiisarfik, kiisami suliassamut tamatumunnga aalajangiisoq. Tusagassiineq pillugu aalajangiisarfik tamanna misissorniarlugu nammineq aalajangerpoq, nalilerniarlugu tusagassiinermi ileqqorissaarnissamut malittarisassat unioqqutinneqarsimanersut.

Tusagassiortullu tassa ileqqorluttuliorsimanngillat, aalajangiinermut allakkami, tusagassiineq pillugu aalajangiisarfiup siulittaasuanit Søren Søndergaard Hansenimit atsiorneqarsimasumi, allassimavoq, taassumalu suliassap taama sivisutigisumik suliarineqarsimanera ajuusaarutigaa.

Suliassaq taamanikkut Nunafondenimut Per Berthelsenimullu saqqummiunneqarsimavoq, marluullutillu suliassap tusagassiineq pillugu aalajangiisarfimmit suliarineqarnissaa akueraat.

Per Berthelsen kamappoq

Nunafonden sammineqalerpoq, 2013-imi decembarimi KNR-ip saqqummiummagu Nunafonden 2012-imi 3,2 millioner koruuninik agguaassisimasoq, aningaasaateqarfillu ingerlanneqarnera 2,7 millioner koruuninik akeqarsimasoq. Nunafonden tamanut iluaqutaasussatut aningaasaateqarfiuvoq, Kalaallit Nunaanni ajunngitsuliornermik siunertanut iluaqutaasussatut siunertalik.

Qulaajaanermut atatillugu Sermitsiaq.AG-p 2013-imi decembarip 6-anni allaaserisaq ´Tusagassiorfinnit ´malersorneqarnini´ Per Berthelsenip kamaatigaa´ saqqummiuppaa, tassani allassimalluni taamanikkut Nunafondenimi siulittaasup Per Berthelsenip, Sermitsiaq.AG-p KNR-llu Nunafondenip ingerlatsinermi aningaasartuutaanik allaaserinninnerat nuannarinngitsorujussuugaa.

Per Berthelsen nittartakkap Sermitsiaq.AG-p aaqqissuisoqarfianit piffissakkut sukkulluunniit apersorneqarusussimanngilaq. KNR-llu attaveqargigaangani Nunafondenip siulittaasorisimasaanut innersuuttarpai.

`Malersuineq´ ilumuunngilaq

Akerlianik Sermitsiaq.AG-p KNR-llu Nunafondenip aningaasaqarneranik isorinnittumik allaaserinninnerat pillugu Per Berthelsen maalaaruteqallattaartuarpoq. Tamanna pivoq Sermitsiaq.AG-p KNR-llu nittartagaasa oqaaseqartarfiisigut, taamanikkullu siulittaasup taassuma aamma Facebookimi profilimigut tusagassaqartitsiviit taakkua marluk sakkortuumik saassutarisarpai.

Sermitsiaq.AG-mut aalajangiinertut Per Berthelsenip ´malersorneqarnermik´ oqarnera KNR-mussaaq atatillugu ilumuunnginnerarneqarpoq.

– Per Berthelsenimi allamik issuarsimanngilarput, taamaallaat oqaloqatigiumanngikkaatigut, KNR-mi tusagassiornermut pisortaq akisussaasuulllunilu aaqqissuisoq Mikkel Bjarne Lund nassuiaanikuuvoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER