Sermitsiaq.AG-mi siulersuisut nutaat

Ulla Lynge siulersuisunut ilaasortanngussaaq. Jørgen Ejbøl taarserlugu Jens Bruun siulittaasunngussaaq

Ulla Lynge tusagassiorfimmi Sermitsiaq.AG-mi siulersuisunut ilaasortanngussaaq. Tamanna februaarimi 2019-imi ataatsimeersuarnermi pissaaq.

54-inik ukiulik Ulla Lynge cand.scient.adm. Ilisimatusarfimmi ilinniagaraa, Londonimilu Henley Business Schoolimi MBA-mik ilinniagaqarpoq. Nunatsinnit atorfiit qaffasissut pingarutillit arlallit aamma siulersuisuuffiit ukiut ingerlanerini atorfigisarsimavai. Taanna ullumikkut ilaatigut Nuuk City Developmentimi siulersuisunut ilaasortaavoq aamma Aningaasaqarnermut Siunnersusioqatigiinni siulittaasup tulleraa. Siornatigut Sermersooq Business Councililimi pisortaasimavoq, aggustimilu CSR Greenlandimi allattoqarfimmi pisortanngussaaq.

Jørgen Ejbøl ataatsimeersuarnermi tusagassiorfiup siulersuisuinit tunuassaaq. 70-it sinnerlugit ukioqannginnissamik killigititaq pissutigalugu tamanna pivoq.

Jens Bruun 65-inik ukiulik siulersuisunut siulittaasunngussaaq, taanna 2017-imi siulersuisunut ilaasortanngorpoq. Tusagassiutilerisoq misilittagartooq, ukiuni 25-ni Jyllands-Postenimiinnikoq aamma ukiuni qulini JP/Politikens Husip qullersaqarfianiinnikoq, ukiunilu arlalinni tassani pisortaanerusimasoq.

Powered by Labrador CMS