Skip to main content

Sermitsiaq.AG-mi pisortaq: Nuna annertuumik avissaartuuffiuvoq

Naalakkersuisut siulittaasuat Aleqa Hammondip innuttaasut ataatsimoornerulernissaat qineqqusaarutigaa, killormorluinnarli maannakkut pisoqartoq oqaatigineqarpoq

Naalakkersuisut siulittaasuat Aleqa Hammond Inatsisartunit Naalakkersuisunilu sulinngiffeqalerpoq nunatsinni innuttaasut annertuumik avissaartuunnerat ilutigalugu. Nunatta karsianit aningaasanit namminerminut atuisimanera pissutaalluni misissuisoqarnerani sulinngiffeqarniarluni qinnuteqarpoq. 

- Aleqa Hammondip qineqqusaarutigaa inuiaat ataatsimoornerulissasut, annertuumilli maannakkut avissaartuuffiuvoq. Politikkikkut annertuumik avissaartuuttoqarnera ilutigalugu Danmarkimut suleqateqarneq aamma ajorseriarpoq, Tusagassiivik Sermitsiaq.AG-mi pisortaq Poul Krarup Ritzauimut oqarpoq. 

Illuatungiliuttut Naalakkersuisut siulittaasuannik Siumumeersumik Aleqa Hammondimik tatiginninnginnermik taasititsinerat Siumumit Atassummiillu pinngitsoortinneqarpoq marlunngormat. 15-14-mik amerlanerussuteqarlutik taasipput. 

- Ataatsimuulersitsisinnaasunik naalakkersuisoqarnissaq pingaaruteqarluinnarpoq, aningaasaqarnerpummi erloqinarpoq. Naalakkersuisoqartariaqaleraluarpoq sivisuumik issiasinnaasunik. Aningaasaqarnerup ilorraanut saatinneqarnissaa neriuutigineqaleraluarnikuuvoq, tamannali maannakkut upperineeruppoq. 

Inuit puiortartut
Aleqa Hammond siunissami politikkikkut suli siunissaqarsinnaasoq Poul Krarupip ilimagaa. 

- Innuttaasut maannakkut avissaartuuttorujussuupput, Naalakkersuisunut akerliusorujussuullutik. Inuilli siornatigut pisimasut puiortarpaat. Siumut isiginissaq pingaartinneqarnerusarpoq pissutsit ajunnginnerusut tikinneqarnissaat neriuutigineqarnersaammat, Poul Krarup oqarpoq. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER