qinersineq
Sermitsiaq akeqanngitsoq aaneqarsinnaavoq
Aviisi Sermitsiaq uani sapaatip akunnerani akeqassanngilaq. Atuagagdliutit sapaatip akunnerata tulliani akeqassanngilaq
Annonse
Tusagassiivik Sermitsiaq.AG aviisinik marlunnik immikkoortunik saqqummiisartoq, aalajangerpaa aviisit tulliani saqqummerpata akeqassanngitsut, tamanna Sermitsiaq.AG-mi allaaserineqartareerpoq.
Sermitsiaq ugguuna akeqanngitsumik aaneqarsinnaavoq - pisiniarfinni aamma akeqassanngilaq.
Atuagagdliutit (AG) pingasunngornermi novembarip 26-ani saqqummerpat aamma akeqassanngilaq.
Aviisit nalinginnaasumit anginerusunngorlugit naqiterneqassapput, illoqarfinnut nassiunneqassallutik, akeqanngitsumillu tuniniarneqassallutik. Danmarkimi aamma sumiiffinni aalajangersimasuni tuniniarneqassapput. Nunaqarfiilli tamarmik qinersisoqartinnagu aviisit anngussinnaanavianngillat.
Sermitsiaq.AG-mi aviisi akeqanngitsumik aaneqarsinnaavoq ullumi.