Skip to main content

Sermit iigartartut pingasut ilisimatuunut pingaarutilinnut atsiunneqartut

Nunat aqqinik aalajangiisartut sermersiuut toqusimasut pingasut nersorniarlugit sermit iigartartut taaguutissaannik akuersissuteqarsimapput.

Kalaallit Nunaanni sumiiffiit pingasut qaammammi matumani nutaanik taaguuserneqarsimapput.

Ilisimatuut pingasut, tassaasut Niels Reeh, Anker Weidick aamma Konrad Steffen, tamarmik immikkut serminut iigartartunut atsiunneqarsimapput, taakku inuunermi annersaat Kalaallit Nunaanni sermit iigartartut ilisimatusarfigisarnerisigut pingaaruteqarluinnartunik ilisimasaqartitsilersimapput.

- Taamaammat sermeq iigartartoq Kalaallit Nunaata avannaarsuaniittoq, sermersuaqarnerata kingulliup nalaani sermimik pisoqaanerpaamik takussutissartalik Sermeq Niels Reeh-imik taaguuserneqarsimavoq. Qooqqumi mikisumi sermeq iigartartoq, Kujataani silap pissusaata allanngoriartorneranik takussutissartalik Sermeq Anker Weidick-imik taaguuserneqarsimalluni.

Ukioq ataaseq sinnerlugu suliarineqarsimasut

- Kingullertut minngerunngitsumillu, Avannaani sermeq iigartartoq Sermersuarmit imaanut atanilik Sermeq Konrad Steffen-imik taaguuserneqarsimavoq, GEUS - Naalagaaffiup Danmarkimi aamma Kalaallit Nunaanni nunat sananeqaataannik misissuinermik ingerlatsivia allappoq.

Nunat aqqinik aalajangiisartut atsiussinissamik siunnersuutit juunip qulingiluaani akuersissutigisimavaat.

Atsiussiniarneq 2021-p aallartinneraniilli suliarineqalersimavoq, tassa ilisimatuut arlallit Kalaallit Nunaanni Nunat Aqqinik Aalajangiisartunut qinnuteqaammik nassiussisimaneranniit.

GEUS naapertorlugu qinnuteqaammi sermersiuut taakku pingasut sooq serminut iigartartunut atsiunneqartariaqarnersut nassuiarsimavaat, tassunga ilanngullugu sermit iigartartut atsiunneqarnissaannut teknikkimut tunngasortaat tunngavilersuutillu allaaserineqarsimallutik. GEUS-imi ilisimatuup William Colganip qinnuteqaat ataqatigiissaarsimavaa, Nunallu Aqqinik Aalajangiisartut aalajangersimanerat nuannaarutiginerarlugu:

"Kulturikkut nersornaataasoq"

- Atsiussineq immikkuullarissuuvoq, inuunermi ataasiaannarluni misigisassaasoq: Kalaallit Nunaanni Nunat Aqqinik Aalajangiisartut sermersiuut pingasut Kalaallit Nunaanni ilisimatusartarnermut inuiaqatigiinnullu qanimut attaveqartartut kulturikkut nersornaaserneqarnerat tulluartuuvoq, taanna oqarpoq.

Nunat Aqqinik Aalajangiisartut GEUS-imut oqaatigisimavaat, taaguuserneqartussatut siunnersuutigineqartut eqqaanniittut nalunaarsorneqarsimanngitsunik kalaallisut taaguuteqartinneqarnersut misissorsimallugit.

- Aalajangiinitsinni pingaartillugu qulakkeerniarsimavarput, siunnersuutigineqartut sulinitsinni tunngavigisatsinnut naapertuunnersut, tassunga ilanngullugu Kalaallit Nunaanni nunat atissaasa aalajangiiffigineqarnissaanut immikkut ittumik tunngavissaqarnersoq, aalajangiisartut ataatsimoorlutik oqaatigaat.

GEUS-ip nittartagaani ilisimatuut pingasut pineqartut kikkuunersut, taakkulu suliarisarsimasaat atuarneqarsinnaapput.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER