Sermiliup kangerluani illuaraqarfik nutaaq
Sermilimmi sermip iigartartup eqqaani Tunumipinngortitami immikkuullarissumi takornarissat illuaqqanipiniariartarfinni sananeqaqqammersuni innaallagialikkamiaamma imermik kuuffilimmi maanna unnuinissamutperiarfissaqalerput.
Tasiilami takornariartitsisartup Arctic Dreamsip takornarianut periarfissat Sermilimmi illuaraqarfimmik nutaamik annertusarpai. Tamanna ingammik takornarianit assiliisartunit aamma aqqartartunit ornigarneqartassaaq, taakku ukiuni kingullerni Tunumi misigisassaqarfiit maluginialersimavaat.
Arctic Dreamsimi piginnittoq, Lars Anker-Møller, 2007-miilli qimussertitsinernik, qamuteralalluni misigisassarsiornernik, pisunnernik, assiliivilisarluni takornariarnernik aamma aqqartartunik angallassinernik aaqqissuisarpoq.
– Suna tamarmik ukiut arfineq-marluk matuma siorna aallartippoq, tassani illuaqqamik sanaartorfissamik tulluartumik ujaasivunga. Qooqqumi kuussuup eqqaani sumiiffik tulluarluinnartoq nassaaraarput, tassanilu aamma iluaqutitut mobilit attaveqarput, Arctic Dreamsimik piginnittoq, Lars Anker-Møller oqaluttuarpoq, norskit Northern Explorer suleqatigisani peqatigalugit illuaqqanik tallimanik perusuersartarfilinnik kiisalu illumik uffarfilimmik, neriniartarfilimmik aamma inersualimmik Tiilerilaamit kujammut 10 kilometerit missaanni inissisimasumi sanaartortitsisimapput.
– Sanaartorneq aallartipparput, tassanilu aningaasaqarnikkut malinnaasinnaajumalluta kittaartumik suliarisariaqarsimavarput. Aasaanerani tassani erngup aamma innaallagissap aqqutaannnik ikkussuivugut, maannakkullu aallaarsimaarfimmik pitsaanerpaamik naatsorsuutigineqartumi inissisimavugut, Lars Anker-Møller oqaluttuarpoq, taanna ilaatigut suliniummut Greenland Venturesimi tapiiffigineqarsimavoq.
Allaaserisaq tamaat takornariaqarneq soqiutiginartoq pillugu aviisimi Sermitsiami atuaruk – uani ataani isissutissarsigit: