Skip to main content

Sermersuup naalakkersuisoqarfimmi pisortaq pisortatut atorfinitsinniara

Naalakkersuisoqarfimmi pisortaq Lone Nukaaraq Møller kommunit pingaarnersaanni Meeqqanut Atuarfeqarnermullu Ingerlatsivimmi martsip aallaqqaataani pisortanngussaaq

Lone Nukaaraq Møller Ilinniartitaanermut, Kultureqarnermut Ilageeqarnermullu Naalakkersuisoqarfimmi pisortaavoq, siusinnerusukkullu Peqqissutsimut Naalakkersuisoqarfimmi pisortaasimalluni.

Lone Nukaaraq Møllerip suliffittaamini aallartinnissani qilanaaraa:

- Kommuneqarfik Sermersooq kommuniuvoq ineriartupiloortoq. Suleqatigiinni suleqataalernissannut qilanaarpunga aamma suleqatissakka peqatigalugit meeqqat inuusuttullu ilinniarnissaannut, ineriartornissaannut atugarissaarnissaannullu pitsaanerpaamik atugaqartinnissaat suleqatigiissutigissallugu qilanaaraara, Lone Nukaaraq Møller kommuni tusagassiorfinnut nalunaaruteqarmat oqarpoq.

Patajaassutsimik pitsaassutsimillu tunniussisinnaasoq

Kommunimi pisortaaneq Lars Møller-Sørensen oqarpoq:

- Lonep suleqatigilernissaa assut nuannaarutigaarput. Lonep atorfinni arlalinni pisortani aqutsisutut misilittagaqarnera soorunalimi ulluinnarni patajaassusermik, pitsaassusermik naammassiuminarsaanermillu nassataqartussaavoq. Kommunimi tamanna atussallugu qilanaarpugut, kommunimi pisortaaneq Lars Møller-Sørensen oqarpoq.

Lone Nukaara Møller Qasigiannguani inunngorpoq Nuummilu peroriartorluni aamma biologiimut kandidatiuvoq taavalu Kalaallit Nunaanni aseruuttoornernut nappaatit pillugit ph.d.-mik ilinniagaqarluni​​​​​​​.

Nunat avannarliit killiit illoqarfittut pingaarnersaasa aningaasaateqarfiat – NUUK, REYKJAVÍK AAMMA TÓRSHAVN
Ataatsimut aningaasaateqarfik Nuuk, Reykjavík aamma Tórshavn maanna tapiiffigineqarnissamik qinnuteqarfigineqaqqippoq. Aningaasaateqarfimmi ilaasortat junip naalernerani ataatsimiisapput, tassanilu...
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER