Sermersuup mittarfiliornissat akuerineqarnerat nalliuttorsiutigilerpaa: Pølsit akeqanngitsumik sassaalliutigineqassapput

Mittarfiit pillugit inatsit akuerineqarnera Kommuneqarfik Sermersuumit nalliuttorsiutigineqassaaq, tassani pølsit akeqanngitsumik sassaalliutigineqassapput

Nuummiut akeqanngitsumik aqagu sisamanngornermi pølsitorsinnaapput.

Inatsisartuni mittarfiliornissanut akuersinerat atatillugu tamanna pissalluni.

- Mittarfiit pillugit inatsit akuerineqarnera nalliuttorsiutigivarput. Inatsisartut ataatsimiittarfiata silataani kommuni akeqanngitsunik pølsenik sassaalliuteqassaaq. Aamma nipilersortoqarumaarpoq, kommuni allappoq.

- Ulloq nunatta oqaluttuarisaanerani pingaarutilerujussuaq. Ullormi tassani mittarfiit pillugit isumaqatigiissut Inatsisartuni akuerineqassaaq. Tassaassaarlu kinguaariinnut alloriarneq pingaarutilerujussuaq. Tamannalu kommunalbestyrelsemiit malunnartikkusupparput pølsenik sassaalliuteqarluta, Sermersooq allappoq.

Powered by Labrador CMS