Skip to main content

Sermersuup isornartorsiuinera Kanukokap taperserpaa

Kommunit toqqaannartumik ingerlatsinerannut Naalakkersuisut akuleruttariaqanngillat, Palle Jeremiassen (S) isumaqarpoq

Kommunini ataasiakkaani meeqqanut tunngasutigut annertuunik ajornartorsiuteqartoqarpoq, tamatumali kingunerisariaqanngilaa kommunit ingerlatsinerannik arsaarneqarnissaat.

Taamatut isumaginninnermut naalakkersuisup inatsisissatut siunnersuutaanut nutaamut isornartorsiuilluni kommuneqarfiit kattuffiata Kanukokap siulittaasua Palle Jeremiassen (S) erseqqissaavoq.

– Kanukokap kissaatiginartinneruvaa kommunini isumagininnerup pitsanngorsarnissaanut suleqatigiinnissaq, taanna Radioaviisimut oqarpoq.

Chemnitz taperserpaa

– Isumaqatigiissutigereersimavarput namminersorlutik oqartussat siunnersuisoqatigiinnik pilersitsissasut. Siunnersuisoqatigiillu aallarteqqammerput, isumaqarpugullu taarsiullugu tassani sulineq nukittorsartariaqaripput, taanna eqqaasitsivoq.

Taamaasilluni isornartorsiuineq, siullerpaamik Sermersuup borgmesteriata Asii Chemnitz Narupip (IA) saqqummiussimasaa taperserpaa.

Inatsisissatut siunnersuutikkut nutaakkut, Martha Lund Olsenip naatsorsuutigisaa nunami sumiluunniit isumaginninnikkut pissutsit ajorseriarnissaannik pinngitsoortitsisussakkut, Martha Lund Olsenip Nuummi naalakkersuisoqarfia, Ilaqutariinnut Isumaginninnermullu Naalakkersuisoqarfik, periarfissaqalissaaq kommunimut akulerunnissaminik, kommunillu isumaginninnermut ingerlatsivia sinnerlugu aalajangiisarnissaanut.

DF sakkortuumik qisuariartoq

Naalakkersuisut taamatut sakkortuumik alloriaateqarnialerput meeqqat illersuisuata ilaatigut Avannaani pissutsinik isornartorsiuinerata kingorna.

Kingorna Kalaallit Nunaanni meeqqanik atugarliortorpassuit ilaqutariillu ajornartorsiutilippassuit Danmarkimissaaq sammineqalerput. Ilaatigut Dansk Folkepartip siunnersuutigaa isumaginninnermut oqartussaaffik Kalaallit Nunaannit utertillugu Danmarkimit tigoqqinneqassasoq.

Meeqqat illersuisuata Aviâja Egede Lyngep Martha Lund Olsenip inatsisissatut siunnersuutaa taperserpaa.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER