Sermersuumi sulineq nuannarineqarnerulersimavoq
Kommuneqarfik Sermersuumi sulisut 1.905-iusut ukiut sisamat matuma siornanut sanilliullugu suliffimminnik ullumikkut nuannarinninnerujussuupput. Sulisut naammagisimaarinninnerannik misissuisimanerup Aningaasaqarnermut Ataatsimiititami politikkerinut sisamanngornermi saqqummiunneqarsimasup tamanna takutippaa.
- Sulisut taama amerlatigisut suliffimmi nuannarisimaarinninnermik misigisimanerat eqqarsaatigalugu angusat assut nuannaajallannarput, illoqarfiit pingaarnersaata kommuniani kommunip pisortaata tullia Marie Fleischer sulisut suliffimmik naammagisimaarinninnersut pillugu misissuisimaneq, sulisunit 1.905-iusunit 61 procentit peqataaffigisimasaat pillugu oqarpoq.
Ukiut sisamat matuma siornatigut taamatut misissuisoqarsimaneranut, sulisut 48 procentiinit peqataaffigineqarsimasumut sanillliullugu kommunimi suliffeqarfinni assigiinngitsuni pissutsit pitsaanerulersimasutut misigineqarsimapput.
Naammagisimaarinninnermik misissuinermi qullersaqarfik qullariarnerpaasimavoq. Tassani 2016-imi nalilersunermi 62-it naammagisimaarinnissimariarlutik 2020-mi 72-inngorsimapput. Tassungali atatillugu oqaatigineqassaaq pitsaanerulersitsinissamut suli inissaqarmat, tassa 2016-imi misissuisoqarnerani immikkoortortanut allanut sanilliullugu appasinnerpaamik angusaqarfiusimagami.
Allanit pitsaanerusoq
Kalaallit Nunaanni suliffeqarfiit allat 17-it sulisumik akornanni assigusumik misissuisimapput, tamatumalu takutippaa illoqarfiit pingaarnersaata kommuniani sulisut arlalitsigut naammagisimaarinninnerusut.
- Naak angusat pitsaasuugaluartut ineriartorneq pitsaasoq qulakkeerneqassaaq nanginneqarlunilu. Tamanna pillugu aqutsisunik ineriartortitsineq attaveqaqatigiittarnerillu qitiusumit sulissutigineqassapput. Tamanna aqutsisut sulisullu peqatigiissillugit ingerlanneqassaaq.
Takussutissami takuneqarsinnaavoq suli pitsaanerulersitsoqarsinnaasoq, tassa suliffeqarfiit ilaat qasertumiit qorsunngortinneqarsinnaallutik.
Taamatut misissuisoqarneranut tunngaviuvoq, auliffimmi pitsaasumik avatangiiseqarnerup pitsaanerulersinneqarnissaanik, kajumissusilinnik sulisoqarnissap qulakkeerneqarnissaanik kiisalu sulisunik attassiniarnissap pingaartinneqarnerata annertusarneqarnissaanik kissaateqartoqarsimanera.
Nutaamik isumassarsiornissaq
Marie Fleischerip politikkerinut ilisimatitsissuteqarnermi paasissutissiissutigaa, februaarip martsillu qaammataanni workshoppertitsisoqarlunilu webinarertitsisoqarniartoq, taakkunani aqutisut tamarmik suliap ingerlateqqinneqarnissaanut isumassarsiornissamut periarfissinneqassallutik.
- Naak angusat pitsaasuugaluartut ineriartorneq pitsaasoq qulakkeerneqassaaq nanginneqarlunilu. Tamanna pillugu aqutsisunik ineriartortitsineq attaveqaqatigiittarnerillu qitiusumit sulissutigineqassapput. Immikkoortortaqarfinni aqutsisut/sulisut ataatsimoorlutik namminneq immikkoortunik pingaarutilinnik ineriartortikkusutaannik peqarsinnaavoq. Taassuminnga suliaqarneq marsimi/apriilimi aallartissaaq aasallu/ukiallu ingerlaneranut ingerlanneqarluni, kommunimi pisortap tullia ilisimatitsivoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...