Skip to main content

Sermersuumi meeqqat pillugit suliat suli malinnaasinnaanngillat

Illoqarfiit pingaarnersaata kommuniata, Isumaginninnermut Naalakkersuisoqarfimmit qaammatit arlallit matuma siorna isumaginnittoqarfimmut inassuteqaatit nalunaarutigisai suli naammassisinnaanngilai.

Pisortap Martha Lund Olsenip Meeqqanut Ilaqutariinnullu Ingerlatsivimmeersup politikkikkut ataatsimiititaliamut, sisamanngorpat ataatsimiittussanut tamanna ilisimatitsissutigaa.

Inassuteqaatit naalakkersuisoqarfimmit tunniunneqarnerinit ukiup aappaa avillugu matuma siorna pigaluartoq, suli naammassinninnissaq ungasittoq, ingerlatsivimmi pisortap paasivaa.

Taakku tamarmik ukiut arlallit matuma siorna aallartipput, tassani piffinni pingasuni 2016-imi aamma 2017-imi illoqarfiit pingaarnersaata kommuniani Meeqqanut Ilaqutariinnullu Ingerlatsvik nakkutilliivigineqarpoq.

Meeqqat pillugit suliat    

Taammi meeqqat pillugit suliat Ittoqqortoormiini, Paamiuni aamma Nuummi ajornartorsiorfiusut paasineqarpoq.

Nakkutilliisut 2017-imi novembarimit januaarimi 2018-imut malitseqartitsipput, kommunip ajornartorsiutit aaqqissimanerai paasiniarneqarlutik.

- Nakkutilliinermit nalunaarusiami ajornartorsiutit saqqummiunneqartut ingerlatsiviup miserratiginngilai. Deloittemit avataanit siunnersorneqarnikkut, Kommuneqarfik Sermersuumi meeqqat inuusuttullu pillugit suliat 1200-t ingerlanneqartuni paasineqarpoq, taakkunani sulia 75 procentiini kukkuneqarlunilu amigaateqartoqartoq, suliamik saqqummiinermi tamanna atuarneqarsinnaavoq.

- Nalunaarusiami siullermi juunip aappaanni 2017-imeersumi inassuteqaatit tunngavigalugit, maanna malitseqartitsilluni nalunaarusiami uku inerniliunneqarput:

  • Suliassat agguataarneqarnissaat pillugit aamma illuatungeriit tamarmik peqataatillugit ikiuinissamut ersarissumik isumaqatigiissummik piaarsimasoqanngilaq. Ingerlatseqatigiiffiup aamma politiit akornanni erseqqarissumik
  • Inissiisarnermut aamma angajoqqaarsiaqarnermut suliat misissorneqareerput, angajoqqaarsianullu akuersissutit iluarsineqarput.
  • Suliat aallartinneqarlutillu IT-systemimi, SBsysimi suliaqarineqarput. Suliat pisoqaanerit amerlanerit systemimut nutaamut nuunneqarput.
  • Suliani pioreersuni kukkunerit aamma amigaatit iluarsineqanngillat. Tamatumunnga atatillugu kommuni iluarsaassisussanik nutaanik sulilersitsivoq. Sulineq ukiut arlallit ingerlanerani pissaaq.
  • Meeqqanik pinerliisimannginnermut uppernarsaatinik pissarsiniarnermik periuseq iluarsineqarpoq.
  • Meeqqanut/inuusuttunut suliassaqarfik aningaasanik amerlanerusunik pissarsivoq, siunnersuisoqarnikkut, ingerlatsinermut tunngavimmik nutaamik ineriartortitsilluni aallartitsinisaq. Allannguinerit pippata, meeqqanut inuusuttunullu suliassaqarfik illersorsinnaalersinneqassaaq, inatsisit malinneqarlutik. Nutaamik aaqqissuussineq ingerlatsivimmut aamma sullissisunut ataasiakkaanut malunnaatilimmik piumasaqaateqalersitsissaaq.
  • Kalaallit Nunaanni meeqqanut aamma inuusuttunut suliassaqarfik ataatsimut isigalugu ersernerluttumik aqutsinermik aamma sulisut sullinneqarnerannik ilisarinnissinnaannginnermik takussaasoqarpoq
  • Suliassaqarfiup kivinneqarnissaanut sulisussarsiornermi ajornartorsiutit suli aporfiupput.

Ingerlatsivimmi pisortap aaqqiissutissatut siunnersuutit uku saqqummiuppai, taakku ajornartorsiutinut sinneruttunut iluarsiissutaassapput:

  • Politiit suleqatiginerannut suliassat ersarissumik agguataarneqarnerannik isumaqatigiissusiorneq.
  • Meeqqanut pinerliisimannginnermut uppernarsaatit aaneqartarnerannut suleriutsip suliarineqarnera.
  • Kommunip qitiusumik ingerlatsiviit aamma najukkami ingerlatsiviit piginnaasat agguataarneqarnerannut tunngasunik takussutissanik nassuiaatinik suliaqarneq, ingammik angalaqatigiit sulinerat eqqarsaatigalugu.
  • Qitisusumik ingerlatsiviit aamma najukkani ingerlatsiviit akornanni pitsaanerusumik attaveqaqatigiinnissamut periusissanik suliaqarneq.
  • Suliani tamani journalimut allattuinermi periutsit sukaterneqarnissaat.
  • Sullissisutut sulinermi suliamut ilisimasat attannissaanut eqqaamassallugu pingaaruteqarpoq, suliassaqarfimmi inatsisitigut sinaakkutinut ingerlatsinissamut pisussaaffiusoq, nunarsuarlu tamakkerlugu pisussaaffik, soorlu: ’’Kikkut tamarmik pitsaasumik inuuneqarnissamut pisinnaatitaaffeqarput’’ pinnagit.
Naalakkersuisut meeqqat sumiginnagaasarnerat annikillisarniarlugu iliuusissanik pilersaarutaat ataatsimiititami siulittaasumit isornartorsiorneqarpoq
Uju Petersen, Kommuneqarfik Sermersuumi Meeqqanut, Ilaqutariinnut Ataatsimiititami siulittaasoq, Naalakkersuisut meeqqat sumiginnagaasarnerat annikillisarniarlugu iliuusissanik pilersaarutaat...
Kommunip umiatsiaatillit nittartagaq Facebookilu aqqutigalugit ujartortalerniarpai
Kommuneqarfik Sermersuumi puttasut 20 fods ataallugit angissusilinnik umiatsiaatilinut atugassiaapput. Malittarisassat malinneqanngippata, piginnittut siunissami nittartagaq Facebookilu aqqutigalugit...
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER