Skip to main content

Sermersuumi atorfilittat: Pasilliissutit ilisarisinnaanngilaat

Atorfillit pingasut borgmesterilu akiuussutissalerneqanngippata, kommunip innuttaasut akiuussusersorneqarnerannut ikiuunnera tunuartinniarlugu aarlerisaarisoqarsimaneragaaneq, Kommuneqarfik Sermersuumiit ilisarineqarsinnaanngilaq.

Borgmesteri atorfilittallu pingasut sisamanngornermi juulip 22-ani kapuuisoqarnerani siuleriisaartut qaangiinnarlugit akiuussusersorneqarneragaapput. Innuttaasut ilai akunnerni arfinilinni sialuup anorillu ataani ulloq taanna utaqqipput, akiuussutissallu naammanngimmata akiuussusersorneqartussat hunnorujulikkaat angerlartiinnarneqarput. 

Kommuneqarfik Sermersuumi atorfillit aarlerisaarisoqarsimaneranik ilisarinnissinnaanngillat. Atorfillip ataatsip, atorfillit borgmesterilu akiuussutissalerneqanngippata, kommunip innuttaasut akiuussusersorneqarnerannut ikiuunnera tunuartinniarlugu aarlerisaarisoqarsimasoq, Anna Wangenheimip, akiuussutissalersuinermut ataqatigiissaarisup oqaluttuaraa. 

Kommunimi sulisuniit erseqqissaatigineqarpoq aperisoqarsimasoq periarfissaqarnersoq kapitinnissamut, sulisut tunillatsissinaanerat annertunerummat. Innuttaasullu amerlasoorujussuit kapitikkiartortarmata. Innuttaasullu amerlasuut akiuussusersuisoqarnerani aamma sullinneqartussaammata. 

Pasilliissutit ilisarineqarsinnaanngillat 

Wangenheimip oqaatigisai maanna pasilliutigineqartut Kommuneqarfik Sermersuumiit ilisarineqarsinnaanngilluinnarput. 

- Sulisoq oqaloqatigisara maanna sunnerteqqasoorujussuuvoq. Taassuma pasilliutigineqartut ilisarisinnaanngilluinnarpai. Wangenheim-imut oqaatigineqartut tassaapput atorfillit akiuussusersorneqanngitsut inuit tunuleriisaarneranni ikiuutaasinnaanngitsut. Taakkummi namminneerlutik siuleriisaartuni utaqqisussaagaluarmata, suliffeqarfimmi kiffartuussinermi pisortaagallartoq, Gerth Jakobsen oqarpoq. 

Gerth Jakobsenip sulisut peqqinnissaqarfimmi ikiuutaasimasut nersualaarpai. Sulisut ilaatigut coronamik misissuisarsimapput coronasekretariatimilu assigiinngitsunik ikiuutaasarlutik, soorlu attaveqaqatigiinermi, kommune paasissutissiivoq. 

Charlotte Ludvigsen pisoq pillugu Facebookikkut utoqqatserpoq. Tassanilu nassuiaavoq akiuussutissat naammanngitsut ilisimasuuguniuk kapitissimassanngikkaluarluni. 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER