Nuummi anorersuaq
Sermersuumi anorersuarnerani piareersimasoqarpoq
Nuummi anorersuarnerani innuttaasut qanoq iliussanersut kommuni paasissutissiivoq. Ilaatigut utoqqarnut telefonimik sinerfigineqarsinnaasumik ammaapput
Naak ullaaq aamma ullaap tungaa Nuummi illoqarfiup immikkoortuani Nuussuarmi tamarmi imeq matuneqaraluartoq, Nuussuarmi meeqqerivinni tamani suli imeqarpoq.
Kommuneqarfik Sermersuumi Atuarfeqarnermut meeqqeriveqarnermullu immikkoortortami meeqqerivinnut imermik dunkinut puukkamik pajuttuipput, taamaalillutik tamakkunani perusuersartoqarsinnaaniassammat, nerisassiortoqarsinnaaniassammat allatullu imeq atorneqarsinnaaniassammat.
Utoqqarnut pilersaarut nutaaq
Ullumikkut sila ajorpallaaqimmat ulluunerani ornittakkanut, neqerooruteqarfiusunut sungiusarfissanullu biiliussineq unitsinneqartariaqartoq Kommuneqarfik Sermersuumi Isumaginninnermut, Suliffeqarnermut Inuussutissarsiuteqarnermullu Ingerlatsivimmit nalunaarutigineqarpoq.
Taamaattumik allatut ajornartoornermi pilersaarutit malillugit biiliussisoqartassaaq, tamatumani inuttut paarsarineqartut innuttaasunullu ulluunerani neqerooruteqarfiusunukarsinnaanngitsunut nerisassanik pajuttuinerit pingaarnerutinneqassapput.
Ajornartoornermi telefoni
Kommuni innuttaasunut toqqaannartumik ilisimatitsissaaq.
Tamakku saniatigut Kommuneqarfik Sermersuumi utoqqarnut innuttaaqataasunut piaartumik ikiortariaqartunut allatut ajornartoornermi oqarasuaatinik pilersitsisoqarpoq. Allatut ajornartumik oqarasuaatip normua tassaavoq: 552490
Aamma takukkit:
Nuummi sekundimut 62 meterinik anoraasuartoq
Nuummi arlaqartut imeqanngitsut