ujaasineq

Sermersuarmi timmisartuaqqamik ujaasisoqassaaq - timmisartoq ujaaseqataassaaq

Timmisartuaqqamik ujaasinermi timmisartoq Twin Otter ujaaseqataassaaq - timmisartuaraq septembarip aqqarnganili ujaarineqarpoq

S-61, Sikorsky, Air Greenland
Sikorskyp ujaasinerani timmisartoq Twin Otter Islandimeersoq ujaaseqataassaaq

Sila pitsannguumimmat timmisartuaqqamik ujaasineqa nangeqqissaaq, ilaatigut sermersuarmi ujaarineqassalluni. Timmisartuaqqamik ujaasineq septembarip aqqarnganili ingerlanneqarpoq. Sila pissutaalluni unitsikkallarneqartariaqartarluni.

- Silarlunnera pissutaalluni sermersuarmi ujaasinissaq ajornakusooqqaaraluarpoq. Sila pitsannguumimmat timmisartoq Twin Otter qulimiguulik Sikorsky ujaaseqatigissavaa, nalunaaqutaq 08.00-ip missaani ujaasisoqalissalluni, Naviairip tusagassiutinut ataqatigiissaarisua Camilla Hegnsborg Sermitsiaq.AGmut oqarpoq.

- Timmisartoq Twin Otter sermersuarmi ujaasissaaq, qulimiguulik Sikorsky tammaaneqarfiata nalaani ujaarineqassalluni, Camilla Hegnsborg ilisimatitsivoq.

Kulusuup avannaani avannaatalu kitaani silarlunnera pissutaalluni Sikorskyp ujaasinera ataasinngormat unitsinneqarallarpoq.

Timmisartuaraqqamik ujaasineq ullut tallimassaa ingerlanneqarpoq.

Powered by Labrador CMS