Sermersooq: Sumut ingerlassaagut?
Illoqarfiit pingaarnersaata kommunia ”tunngaviusumik oqaluttuaq” pilersinniarlugu pilersaarummik saqqummiussisimavoq, tassani nuna, kommunalbestyrelsi, ingerlatsiviit, suliffeqarfiit innuttaasullu Kommuneqarfik Sermersoq ataatsimut isigalugu qanoq ineriartortinneqassanersoq pillugu oqaaseqaqquneqarput.
Kommuneqarfik Sermersooq ”tunngaviusumik oqaluttuaq”, kommunimut tamarmut tunngatillugu takorluukkanik suliaqarnissaq pillugu Kommunernes Landsforenings Konsulentvirksomhedimik (KLK) isumaqatigiissuteqareersimavoq.
Pilersaarutaavoq ”tunngaviusumik oqaluttuaq” kommunip tamarmiusup ineriartortinneqarnissaanut sakkutut atorneqarnissaa, kommuni pisortap tulliata Marie Fleischerip Aningaasaqarnermut Inuussutissarsiornermullu Ataatsimiititamut februaarip 20-ani ataatsimiittussamut saqqummiussaani tamanna takuneqarsinnaavoq.
Ilanngullugit oqaatigineqarput:
Ingerlatsineq soqutiginnittunik ataatsimoortitsisoq aqqutaanilu atuutsitsilersarneq
Tunngaviusumik oqaluttuaqarnissamik kissaatigisaq aqutsisut akimorlugik ilisimasanillu avitseqatigiittarnissamut kivitsissutaassaaq
Akia: 600.000 koruunit
Suliaq naammassineqarpat quppernernik marlunniit tallimanut takitigisumik taamaallaat allagaqaateqalertussaagaluartoq, naatsorsuutigineqarput 600.000 koruunit angullugit aningaasartuuteqartoqassasoq.
- Pingaaruteqarpoq tunngaviusumik oqaluttuap illoqarfiit pingaarnersaannaanut tunngatinnagu kommunimut tamaarmut tunngatinneqarnissaa, taamaammat kitaani kangianilu najuqaqarfiit Nuuk assigalug peqataatinneqarnissaat. Taamaammat Siunnerfinnik aaqqissuussaanermillu ineriartortitsivimmi KLK-milu sulisut ikittunnguit Tasiilamukarlutillu Paamiunukassapput, soorlu aamma 2020-mi martsip qaammataata qiteqqunnerani Nuumukarniartut. Tassani najukkani innuttaasut, suliffeqarfiit kommunimilu sulisut ”angerlarsimaffianni” apersorneqassapput, sumiiffinnilu tamani tamanut ammasumik workshoppertitsisoqassalluni, Aningaasaqarnermut Ataatsimiititamut saqqummiussami tamanna takuneqarsinnaavoq.
Kommunalbestyrelsi martsip 24-ani, ullormi sammisaqarfiusumi ilanngunneqassaaq, saqqummiussami ilisimatitsissutigineqarpoq.
Allannguivinnissaq
- Taamtut ingerlatsiniarnermi siunertaavoq, takorluukkat aqqutigalugit kommuni suleriaatsimik allannguisoqarnissaa. Tunngaviusumik oqaluttuaq taamaalilluni nutaaliortoqarnissaanik anguniagaqartitsilereerlunilu isumalluartitsilereerpoq, politikkikkut sulisutigullu eqeersimaartumik piviusunngortinneqarsinnaasumik, Marie Fleischer suliamik saqqummiussissummi ilaatigut allappoq, tassani inassutigineqarpoq suliaq Kommunalbestyrelsimut ilisimatitsissutitut nassiunneqassasoq.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...