Sermersooq: Sulisuusimasut politiinut tunniunneqartut
Kommuneqarfik Sermersuup sulisorisimasatik pisiortorfigisimasatillu politiinut sisamanngornermi tunniuppaat. Aningaasanik peqquserluuteqarsimasutut pasineqarput.
Allaffeqarfimmi pissutsit pasinartut aamma kommunip aningaasaqarneranut annertuumik annaasaqaataasinnaasutut paasineqartut tunngavigalugit politiinut suliassanngortitsisoqartoq, kommuni nittartakkamini paasissutissiivoq.
- Politiit paasiniaanerisa kommune suliami ilalerpassuk, taava kommunimi sulisuusimasut taarsiissuteqarnissaannik piumasaqaateqarluni suliassanngortitsisoqassaaq, kommuni allappoq.
– Inatsisinik unioqqutitsinerit akuerinngilakka. Innuttaasut aningaasaataat aquppagut, taamaattumik uagut pisortatut inatsisinik unioqqutitsinerit paasigaangatsigit pisussaaffeqarpugut qisuariarfigissallugit. Kommunip unnerluutiginninneranik politiit suliaqarnissaat qilanaarivara, tamanna inatsisinik peqqissaartumik misissuereernikkut pivoq, borgmesteri Charlotte Ludvigsen (IA) oqarpoq.
Borgmesteri suliassanngortitsineq pillugu oqaaseqaqqinniarnani politiillu misissuinerat utaqqineqartariaqartoq oqaatigaa.
