Sermersooq: Siumup missingersuummut isumaqatiginninniutai aaku
Perorsaasut pitsaanerusumik atugaqarnerulernissaat, Tasiilami naluttarfiliornissaq kiisalu Ittoqqortoormiini katersortafiliornissaq. Sermersuumi Siumup ilaatigut taakku missingersuummut isumaqatiginninniarnermi isumaqatiginninniutigai.
Inulerinermut, utoqqaanut, meeqqanut, inuusuttunut, ilaqutariinnullu tunngasut sipaarniarfigineqannginnissaat Sermersuumi Siumumit kissaatigineqarpoq.
Kommuneqarfik Sermersuumi Siumut gruppiani siulittaasoq, Peter Davidsen, partiip isumaqatiginninniutaanut tunngatillugu ilaatigut oqarpoq.
- Sipaarniarnerit allaffissornikkut ingerlatsinermilu aningaasartuutit innuttaasunik toqqaannartumik eqquinngitsut aallaaviussasut oqaatigaa, oqarpoq.
Atorfilittanut apeqquseqarsinnaaneq periarfissaasimanngimmat uggorineqarpoq.
- Missingersuutit 2021-mut pillugit kommunalbestyrelsep siullermeeriinerani amerlanerussutillit kissaatigimmassuk aappassaaneerinninnermut toqqaannartumik ingerlateqqinneqassasut sukumiinerusumik paaserusutagut atorfilinnullu apeqqutissanut periarfissiisoqanngilaq, ilisimatitsivoq.
Akileraarutit Kommunimut akileraarutip procentia, ukiut siulii assigalugit, 26 procetimiiginnassasoq Siumumit isumaqatiginninniutigineqarpoq.
Siumup missingersuummut isumaqatiginninniutai aaku:
- Inuiaqatigiinni pissaqarnerit pissakinnerillu akornanni nikingassut annertugaangat, inunnik isumaginninnermi suliassat annertunerulertarput, inuuniarnikkut ajornartorsiutit, pinerlunerit, kanngutsaatsuliornerit, aserorterinerit il.il. malunnarnerulertarlutik.
- Meeqqerivinni meeqqat pamersaanikkut ullutsinnut tulluartumik ineriartortinneqarnissaat anguniarlugu perorsaasut, ikiortit, il.il. pitsaasumik atugaqarnissaat sulissutigissallugu
- Aalisartunut piniartunut tunngatillugu suleqatigiissitap ataavartumik ingerlatinneqarnissaa qulakkeerneqassasoq
- Nunaqarfinni sanaartugassanut tunngatillugu kvartalikkaartumik killiffiit pillugit allaganngorlugu nunaqarfinni aqutsisut ilisimatinneqartarnissaat
- Tasiilami naluttarfeqalernissamut misissuinissamut aningaasaliisoqarnissaa kissaatigaarput
- Paamiuniit Tasiusannguup tungaanut ujaraaqqanik (grus) aqqusinniortoqarnissaanut (aqqusineeraq) misissuisoqarnissaa.
- Ittoqqortoormiuni katersortarfittaarnissaanut misissuisoqarnissaaanut aningaasaliineq
- Nuummi ”Inuusuttunik sullissisut / Ungteam” sisamanik pilersitsisoqarnissaanut aningaasaliineq.
- Nuuk Ilaqutariinnut siunnersortit (familievejleder) marluk.
- Kommuneqarfik Sermersooq sanaartorneq: Annertuunik sanaartugassanik ingerlatsinissamut (projektbyggeri) tunngatillugu aammalu nunaminertanik qinnuteqartarnermut tunngasunik KS isumasioqatigiinnermik (seminar) susaasaqartunut tamanut ingerlatsissasoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...