Sermersooq: Kommunalbestyrelsip borgmesterinngortussaq akueraa

Kommuneqarfik Sermersuumi borgmesteriujunnaartup Charlotte Ludvigsenip kingoraartissaa kommunalbestylrelsimit akuerineqarpoq ullumi marlunngornermi.

Soorlu Sermitsiaq.AG-ip allaaserigaa, Avaaraq S. Olsen kommunimi borgmesteritut ivertinneqassaaq, tassani Charlotte Ludvigsen atuuffimminit juunip 15-ani tunuaruni, borgmesterinngussalluni.

Charlotte Ludvigsenip borgmesteritut atuuffimminit tunuarniuteqarnera partiinit tamanit akuerineqarpoq. Partiit akuersisuupput Inuit Ataqatigiit, Siumut, Naleraq aamma Demokraatit.

Asfaldtinut tunngatillugu suliamut kiisalu ineqarnermut tunngatillugu suliamut atsioreernermi kingorna Charlotte Ludvigsen kommunalbestyrelsinit tatigineqarsinnaanerluni imminut apeqqusersimalluni oqarpoq.

- Juunip 15-ani borgmesteritut tunuarniarlunga aalajangerpunga. Borgmesterinngortussap inissilluarnissaa pingaartillugu juunip 15-ani borgmesteriunerma atuuffia qaangertikkusussimavara, Charlotte Ludvigsen oqarpoq. Taanna kommunalbestyrelsimi ilaasortatut ingerlaqqissaaq.

Borgmesterinngortussaq attortisimaartoq

Avaaraq S. Olsen Kommuneqarfik Sermersuumi borgmesterinngortussatut toqqarneqareernermi kingorna ima oqarpoq:

- Soorunami attortissimavunga. Tatiginninneq angisooq uannut tunniunneqarpoq. Sapinngisara tamaat atorlugu sulissaanga, peqatigalusi. Piffissanngorpoq tamatta aallaqqaataanit sulinerput aallartissagipput. Innuttaasut pillugit. Massakkut immitsinnut isumakkeerfigeriarluta ingerlariaqqittariaqarpugut, sulineq maani nuannersuussaaq, Avaaraq S. Olsen attortisimaarluni oqarpoq.

Borgmesterissatut qinersinermi Inuit Ataqatigiit, Naleraq Demokraatillu akuersaarlutik t