Sermersooq: Charlotte Ludvigsen borgmesteritut ivertinneqarpoq

Inuit Ataqatigiinnit Charlotte Ludvigsen Asii Chemnitz Narup Kommuneqarfik Sermersuumi borgmesteritut taarserpaa.

Charlotte Ludvigsen Inuit Ataqatigiinnit borgmesterissartut innersuunneqarpoq, Asii Chemnitz Narup kommunalbestyrelsip ataatsimiinnerani tunuarniuteqarluni nalunaaruteqareersoq.

32-nik ukiulik Charlotte Ludvigsen kommunalbestyrelsimut kingullermik qinersinermi 77-nit taaguunneqarpoq, Suliffeqarnermut Isumaginninnermullu Ataatsimiititami siulittaasuulluni.

Charlotte Ludvigsen 2015-mi kommunalbestyrelsimi ilaasortanngorpoq, Rigsombudimi kontorfuldmægtigisut atorfeqarsimalluni. Asii Chemnitz Narup kommunalbestyrelsimit aamma tunuarpoq, Lone Rosengreen Pedersen ilaasortanngorluni.

Asii tunuarnerminut nassuiaavoq
Asii Chemnitz Narupip borgmesterisut sooq tunuarnini minutsini 20-ni nassuiarpaa.

- Tamaangaannaq tunuarnissara naatsorsuutiginikuunngilara, naqissusiivoq. Inuttut malersugaasimasuttut misigisimalluni tunuarnerminut ilaatigut tunngavilerpaa.

- Tasiilami suliniuterpassuarnut aningaasaliisareerpugut, ajornartorsiutit qaangernissaat ingerlannaq pisinnaanngillat, ilaatigut oqarpoq.

Kommunip ineriartoqqinnissaanut kommunalbestyrelsip ataqatigiissumik sulinissaa kissaatigaa.

Nutaarsiassat

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...