Skip to main content

Sermersooq: Angalanissamut Aningaasaateqarfik aningaasanik agguaasisimavoq

Kommuneqarfik Sermersooq nunami maani inunnut 32-nut angalanissaminnut qinnuteqarsimasunut 570.000 koruuninik agguaassisimavoq.

Kommuneqarfik Sermersooq angalanissamut aningaasaateqarfimmit ukiut tamaasa upernaakkut agguaassisarpoq. Ukioq manna corona pissutigalugu nunanut allanut angalanissamut pieriarfissat killeqaraluartut aamma agguaassisimavoq. Kommunilli qinnuteqarsinnaasut amerlanerit anguniarlugit, ukioq manna qinnuteqarsinnaaneq qaammammik ataatsimik sivitsorsimavaa.

Qinnuteqartorpassuit

Kommunimit ilisimatitsissutigineqarpoq, ukioq manna angalanissamut aningaasaateqarfimmut 570.000 koruunit immikkoortinneqarsimasut. Kommuni innuttaasunit katillugit 70-iusuni qinnuteqaatinik tigusaqarsimavoq, aningaasanngorlugit 1.4 millioner koruunit nalinginut.

- Qinnuteqartorpassuaqarmat sukannersumik pingaarnersiuinissaq kingumut pisariaqarluinnarsimavoq. Kommuneqarfik Sermersuumi innuttaasut tamavimmik qinnuteqarnissamut periarfissaqarput, ilaqutariit meerartallit akissaatikinnerusullu ukiuni kingullerni tallimani angalaarsimanngitsut salliutinneqarputtaaq, kommunimit ilisimatitsissutigineqarpoq.

Sumiiffimmi ataasiinnavissuarmiinnaveersaartitsineq

Angalanissamut Aningaasaateqarfiup siulersuisuisa qinnuteqaatit tamaasa peqqissaartumik suliarisarpaat. Qinnuteqartut 32-t akuerineqarput qinnuteqartullu tamarmik toqqaannartumik nalunaarfigineqassapput.

- Siulersuisunit innersuussutigineqarpoq nunami angalasoqassasoq, pissutigalugu nunanut allanut angalanissat maannakkut killilersorneqarmata, aamma angalanissamut tapiissutit aappaagumut nuutsinneqarsinnaanngimmata​​​​​​​. 

Kommunimit ilisimatitsissutigineqarpoq, siunertaq tassaasoq, sumiiffimmi ataasiinnavissuarmi inisseqqasarnerup kingunerinik nuanniissinnaasunik pinaveersaartitsineq aamma kommunimi innuttaasut nunarsuarmioqataanermik misigisimanissaannik siunertaqartumik Kalaallit Nunaani avataanilu innuttaasut angalarusunnermik kissaateqarnerannik piviusunngortitseqataarusussuseq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER