Skip to main content

Sermersooq sukannersumik nakkutigisaajunnaarpoq

Aningaasaqarnermut Naalakkersuisoqarfiup Kommuneqarfik Sermersuup aningaasatigut aaqqeeqqinnissamut pilersaarutaa naammagisimaangaaramiuk, qaammatini qulingiluani sukannersumik nakkutiginnereerluni erniinnaartumik nakkutiginninneq atorunnaarsippaa

Aningaasaqarnermut Naalakkersuisoqarfiup nalunaarutigaa, Kommuneqarfik Sermersooq aningaasatigut aaqqeeqqinnissamut pilersaarutaa ingerlalluareermat, sukannersumik nakkutiginninneq allaat pisariaaruttoq.

- Nutaarsiassaq nuannerluinnarpoq, aningaasaqarnitta aaqqeqqinneqarnissaanik pimoorussilluta ilungersorlutalu sulisimanerput maanna kinguneqarluartutut takuneqarsinnaammat. Aningaasaqarnermut Naalakkersuisoqarfiup aalajangernerata takutippaa, aningaasatigut aqutsinerput tatigineqaqqilersimasoq, Kommuneqarfik Sermersuumi borgmesteri Asii Chemnitz Narup tusagassiutinut nalunaarummi oqarpoq.

Kommune qaammatit qulingiluat matuma siornagut sukannersumik nakkutigineqalermalli, kommunalbestyrelse sukannersumik aningaasatigut aqutsinissaq qitiutillugu sulivoq. Tamatuma ilaatigut kingunerisaanik aningaasatigut aaqqeeqqinnissamut pilersaarusiortoqarpoq, ingerlatsinermut aningaasaqarnikkullu aqutsinermut najoqqutassaliortoqarluni, missingersuusiornermullu malitassaliortoqarluni.

- Qaammatikkaartumik naatsorsuusiortarneq aningaasaqarnermik aqutsinermillu ilorraap tungaanut sangutitsinissami sakkussatut pitsaalluinnartutut isumaqarfigaara. Taamaattumik taakku suliarisarnissaat nangeqqissavarput. Ukiumi nutaami nittartakkatsinnut saqqummiutissavagut, taamaalilluni kikkulluunniit paasisaqarfiginiassammassuk borgmesteri oqarpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER