Sermersooq nutaamik qullersatut pisortartaartoq

Kommuneqarfik Sermersuumi vicekommunaldirektøritut atorfik pilersinneqaqqammersoq, Marie Fleischerimik ingerlatsivimmi siusinnerusukkut sulisimasumik inuttalerneqarpoq

Atorfinitsitsinissamut ataatsimiititaliaq vicekommunaldirektørinngortussamik toqqaasuuvoq.

- Marie taannarpiaavoq Kommuneqarfik Sermersuumi sulinissamut piukkunnaatilik. Kommunimi aqutsinermik aningaasaqarnermullu tunngasunik ilisimasaqarluartuuvoq. Peqatigitillugulu nutaamik eqqarsarsinnaassuseqartarpoq, aalajangigassanillu imaannaanngitsunik aalajangiisinnaassuseqartarluni, kommunaldirektøri Lars Møller-Sørensen tusagassiorfinnut nalunaaruteqarnermini oqarpoq.

Marie Fleischer novembarip aallaqqaataani atorfinissaaq. Kommunimi qitiusumik aqutsisoqarfiup ataaniittoq Suliffeqarfimmik Kiffartuussivik ulluinnarni pingaarnertut akisussaaffeqarfigissavaa. Aammattaaq kommunaldirektørimut taartaasassaaq.

Ukiuni maluinnarni Mittarfeqarfinni sulisimasoq

Marie Fleischer mittarfinnik ingerlatseqatigiiffimmi, Mittarfeqarfiit, ukiuni marlungajanni pisortatut atorfeqareerluni soraarnissaminik ukioq manna februaarip qaammataani Namminersorlutik Oqartussanik isumaqatigiissuteqarpoq. Mittarfeqarfinni suliunnaariasaarneranut pissutaasoq nassuiarneqarsimanngilaq, illuatungeriit tamatumunnga tunngatillugu tamanut oqaaseqannginnissamik imminnut pisussaaffilersimanerat pissutigalugu, taamanikkut Namminrsorlutik Oqartussanit taamatut oqaaseqartoqarpoq.

Marie Fleischer kommunimi inuussutissarsiornermut pisortatut siornatigut sulisimavoq, kingullermillu Tamanut Kiffartuussivimmi pisortaasimalluni.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS