Kommuneqarfik Sermersooq
Sermersooq nutaamik ingerlatsivimmi pisortassarsiussaaq
Kommuneqarfik Sermersuumi isumaginninnermut suliffeqarnermullu ingerlatsivimmi ukiuni sisamani Grethe Nielsen pisortaareerluni, Danmarkimut angerlarniarluni aalajangerpoq
Grethe Nielsen jyllandip kujataamiuusoq, Danmarkimi Tønder Kommunemi Isumaginninnermut, Suliffeqarnermut Peqqissutsimullu nutaamik atorfinippoq, qaammatillu naanerani Nuummi taamaatissalluni.
Ukiut qulit nuannersut
- Ukiuni qulini nuannersuni Kalaallit Nunaanniippugut, ukiunilu sisamani nuannersuni Kommuneqarfik Sermersuumiilluta, Grethe Nielsen, kommunip nittartagaa naapertorlugu unnersiorpoq.
- Maanna ilaquttatta qanillinissaat piffissanngorpoq, atorfillu pilerinartoq takkummat iliuuseqartariaqarlunga, jyllandip kujataaneersoq, Abenraami najugaqarsimasoq oqarpoq.
Borgmester Asii Chemnitz Narupip ingerlatsivimmi pisortaminik annaasaqartoq ugguarpoq.
Paasinnilluartoq
- Grethe ullut tamaasa sulilluarsimanerujussua qujassutigeqaara. Soorunami maaniiginnarnissaa neriuutigisimagaluarpara, kisianili ilaquttaminut qanilliumanera paasilluarsinnaavara, borgmesteri Asii Chemnitz Narup oqarpoq.