Skip to main content

Sermersooq nunaminertanik akunnittarfiliorfiusinnaasunik tikkuussisoq

Nuummi nunaminertat arfineq-marluk akunnittarfinnik sanaartorfissatut piukkunneqartut Kommuneqarfik Sermersuumi ingerlatsivimmit tikkuussissutigineqarput. Inissisimaffiit pillugit innuttaasut isumaannik aamma tusarniaasoqassaaq, inissisimaffinnilu tamani sanaartorusuttoqassasoq nalunarpoq.

Kommuneqarfik Sermersooq Nuummi takornariaqarnermut pissutsinik ineriartortitsileruttorpoq. Nunat tamalaat akornanni mittarfissaq atorneqalerpat – qularnanngitsumik 2024-mi ukiakkut – takornariaqarnerup annertuseriarnissaa ilimagineqarpoq.

Kommunimi ingerlatsivik nunaminertanik arfineq-marlunnik akunnittarfinnik sanaartorfissatut piukkunnaateqartutut nalilerneqartunik toqqaaqqammerpoq. Sumiiffiit tallimat Nuummiipput, ataaseq mittarfiup eqqaaniilluni ataaserlu Qinngutsinniilluni.

Ingerlatsivik naapertorlugu, akunnittarfinnik sanaartorfissatut siunnersuutigineqartut saqqummiunneqarsimapput soqutigisaqartunit assigiinngitsunit siunnersuutigineqartut, kiisalu tikeraanut isikkivigissumiinnerannik misigisassatullu nalingat tunngavigalugu, saqqummiunneqarsimapput.

Inissisimaffissatut siunnersuutigineqartut akornanniippoq aqquserngup Saqqarliit isuat, ullumikkut anartarfinnik eqqaaveqarfiusoq. Eqqaaveqarfik siunissaq peerneqarsinnaavoq akunnittarfimmullu inissisimaffissanngortinneqarsinnaalluni.

Ingerlatsiviup siunnersuutaani allassimasoqarpoq, sumiiffimmi ininik quleriinnik annerpaamik pingasunik sanasoqarsinnaassasoq, Sanallu ataani kangerliumanermi pinngortitap eqqaaniissasoq, tamannalu 'sukisaarsarfittut tikikkuminartutut ornigarneqarluartartutullu, illoqarfimmut qanittumi anersaartorfittut qorsooqqissutut atuuttutut' allaaserineqartoq.'

Kommuneqarfik Sermersooq

Ingerlatsiviup siunnersuutaa ataatsimiititaliami kommunalbestyrelsimilu politikkikkut suliarineqaqqaassaaq, innuttaasullu oqaaseqaateqarnissamut aamma periarfissinneqassallutik.

Ingerlatsivimmit erseqqissaatigineqarpoq, inissisimaffissatut siunnersuutigineqartuni tamani sanaartornissap soqutigineqarnissaa qularnartoq.

Illoqarfiup assingani siunnersuutigineqartut takuneqarsinnaapput:

Kommuneqarfik Sermersooq
Tasiilami piterartoqarnissaanik aarlerisaarineq

DMI-p sapaatip akuunerani uani aappassaanik aarlerisaaruteqarpoq. Sisamanngornerup tallimanngornerullu unnuaanni Tasiilami piterartoqarnissaa.

Piteraq sakkortorujussuarnissaa...

Nuummi anorersuaq: Atuarfiit paaqqinnittarfiillu ammaannassapput

Nuummi atuarfiit paaqqinnittarfiillu ammaannassapput, ualeru anorersuartoqarnissaanik aarlerisaarisoqaraluartoq. Angajoqqaat kaammattuneqarput anorersuup allanngoriartornera nammineerlutik...

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

Seneste Ugeavis

SENESTE NUUK - NYHEDER