Sermersooq nalunaaruteqartoq: Imeqarfimmi nalunnguaarnissaq inerteqqutaavoq
Illoqarfiit pingaarnersaata kommuniata Nuummi imeqarfinni marluusuni erngup mianersuunnissaa innuttaasunut kaammattuutigaa.
Aasarissumi taseq nalunnguaarfigissallugu pilerinarpasikkaluarpalluunniit, imeqarfik Qallussuup eqqaaniittoq aamma Inussiviup eqqaaniittoq nalunnguaarfigeqqusaannillat.
Kommuneqarfik Sermersooq kommunip nittartagaatigut innuttaasunut inussiarnersumik eqqaamanneqqusivoq:
- Tusarneqakkajuppoq inuit imeqarfinnut nalukkiartartut, grilleriartortartut aammalu qimmitik nassarlugit kaajallaasartut, naak imeqarfiit taakkua illoqarfiup imissaanik pilersuisartut.
- Taamaaliornerit inerteqqutaapput, kommuni allappoq.
Kommuni naapertorlugu, imeqarfiit eqqaanni grillerisimanernit eqqakkat qimaannarneqartarput, imermillu mianerinninnissamut atatillugu tamanna ajornartorsiutaasarpoq.
Nalukkusukkaanni tatsit naluffigeqqusaanngitsumik allagartallit imaluunniit imissatut/imeqarfittut allagartaqanngitsut naluffigineqarsinnaasut eqqaasitsissutigineqarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...