Sermersooq najukkani inuussutissarsiuteqartunut ikiorsiinissamut piareerpoq
Coronavirusimik ajornartoortoqarnera pissutaalluni inuussutissariuteqartut akiligassaat kommunimit akilerneqarput
Kommuneqarfik Sermersooq massakkut najukkani inuussutissarsiuteqartut Coronap malitsigisaanik ajornartoornermi qanoq ikiorserneqarsinnaanerinut periarfissaqarnersoq misissuivoq.
- Allaffeqarfik qinnuigivara, akiligassat erngertumik akilerneqartassasut, akiliiffissatut killiliunneqartut nalinginnaasut utaqqeqqaarnagit, taamatut iliortoqarpoq nioqqutissanik pisiortorfiit piffissami nalorninartorsiorfiusumi aningaasaateqarnissaat qulakkeerumallugu, Kommuneqarfik Sermersuumi borgmesteri Charlotte Ludvigsen kommunip nittartagaanut oqarpoq.
41 million koruunit maanna Kommuneqarfik Sermersuumit akilerneqarsimasut ilisimatitsissutigineqarpoq.
Tapersersuineq
Najukkami suliffeqarfiit ikiorumallugit kommunimit eqqarsaatigineqalerpoq, najukkami aningaasat suli kaaviiaartinneqarnissaat angujumallugu suliassat suut siuartinneqarsinnaanersut.
- Piffissami aggersumi aserfallatsaaliuinerit, suliffeqarfinni, atuarfinni illunilu allani suliassat pilersaarutaasut, aallartissavagut. Suliassat ukiumi matumani kingusinnerusukkut imaluunniit aappaagu pilersaarutaagaluarput, najukkamili inuussutissarsiuteqartut tapersersorumallugit taakkua aallartissavagut. Tamanna suliakkiissutit amerlavallaanngiffianni sanaartornermik ingerlatsisunut kommunimiittunut suliassaqartitsissaaq, Charlotte Ludvigsen oqarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...