Sermersooq mianersoqqusisoq: Usit peqqissaarullugit qajannaarsorneqartanngillat
Usit peqqissaarullugit qajannaarsorsimanngikkaangata angallattunut allanut inunnullu pisuttunut ulorianarpoq, taakkumi usinit eqqorneqarsinnaapput, illoqarfiit pingaarnersaata kommunianit oqaatigineqarpoq.
Kommuneqarfik Sermersuumit Nuummi assartuinermut sanaartornermullu suliffeqarfiit namminersortullu assartuinerminni usinik iluamik qajannaarsuisarnissaannik piumasaqarfigineqarput.
Kommunimi avatangiisinut ingerlatsivimmit maluginiarneqartarsimammat, lastbiilinik ingerlatsisut usiminnik iluamik qajannaarsuisarsimannginnermikkut usinik katatsisoqartartoq taamatut piumasaqartoqarpoq.
- Angallattunut allanut inunnullu pisuttunut ulorianarpoq, taakkumi usinit eqqorneqarsinnaapput, kommunimit allapput.
Biilinik usit nakkutigineqarnerat saaffiginnissutillu politiinit isumagineqartarput, kommunimilli allapput, angallattut tamarmik iluaqutigisussaagaat usinik angallassisartut angallannermi suut tamaasa isumannaarsorluaqqaarlugit angallassisarnissaat. Tamanna aamma namminersortunut atuuppoq, assersuutigalugu nutsernermut atatillugu.
Kommunimit eqqaasissutigineqarpoq, usit netsinik, qilerutinik assigisaannilluunniit qajannaarsorneqarluartassasut.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...