Sermersooq majuartaammut akisussaaffeqarusukkunnaartoq
Nuummi timmisartoqarfiup eqqaani sisorarfimmi sisorartut nuannisarneranni, Fonden for Sisorarfiit kommunilu nutaaqqinnaamik isumaqatigiissuteqarsimapput. Kommunip kiffartuussinissamik isumaqatigissut aqqutigalugu majuartaammut akisussaaffik Sisorarfinnut tunniussimavaa
Kommuneqarfik Sermersooq aamma Fonden for Sisorarfiit qaammatini arlalinni isumaqatiginninniarerat siunnersuuteqarnermik inerneqarpoq, kommuni Sisorarfinnut ingerlatsinissamik isumaqatigiissuteqarunnaarluni, kiffartuussinissamik isumaqatigiissuteqalerpoq, tassani:
Akisussaaffiit tamarmik kommunimit Sisorarfinnut nuunneqarput
Illu atortullu Sisorarfinnut tunineqarput
Ukiunit tulliuttuni tallimani aalajangersimasunik missingersuuteqartoqartassaaq
Piffissami pineqartumi kommuni aalajangersimasunik aningaasaliissassaaq
Sisorarfiit illunik atortunillu namminneq aserfallatsaaliisassapput
Sisoararfiit nutaanik pisiaqarusukkunik aningaaserivimmut taarsigassarsiniarlutik saaffiginnissaapput
Maannamut kommuni ingerlatsinissamik isumaqatigiissuteqarfigineqarsimavoq, kommuni illunik atortuillu piginnittoralugu. Missingersuutit aalajangersimasuusarsimanngillat, ukiullu tamaasa kommunalbestyrelsimit aalajangerneqartarlutik, Sisorarfiit majuartaatip ingerlanneqarnera akisussaaffigisimavaat. Aamma annertuunik pisiniartoqarniartillugu politikkerit akuersiteqqaarneqartussaasarput.
Aaqqissuussaq nutaaq Meeqqanut Atuarfeqarnermullu Ataatsimiititamit isummerfigineqartussat Deloittemit aallartisarneqarsimavoq, Deloitte 2019-imi aasakkut periarfissanik assigiinngitsumik misissueqquneqarsimavoq.
Unammilligassarpassuit
Suliami politikkerinut saqqummiunneqartumi takunqarsinnaavoq, Fonden for Sisorarfiit ”piffissami sivisuumi maskiinanik aserfallatsaaliiniarneq unammillernartoqartittarsimagaa”.
- Sisorarfiit ammaffiani kingullermi maskiinat kiffartuussinermi pitsaassusissaq kommunimit piumasarineqartoq naammassiuminaatsittarsimavaat, kommunimi pisortaaneq Lars Møller Sørensen inassuteqaammi allappoq.
Isumaqatigiissutissaq nutaaq inissinniarlugu majuartaammut aningaasaliissutaasartut qaffanneqartariaqarsimapput.
3,85 millioner koruuninik aningaasaliiffigineqassasoq
Kiffartuussinissamik isumaqatigiissut ukiumut 3.850.000 koruuninik aningaasartaqartassasoq takuneqarsinnaavoq. Aningaasallu ilaatigut nutaanik pisiortornermut illuutillu aserfallatsaalineqarnissaannut atorneqassallutik.
Peqqinneq Susassaqartitsinerlu pillugit immikkoortortaq 3.200.000 koruuninik aningaasaliiffigineqassaaq, tassa siunnersuut akuerineqassappat, 650.000 koruuninik ilassutitut aningaasaliissuteqarnissaq politikkerinit akuerineqaqqaartussaassaaq.
Kommunimi pisortaanerup ataatsimiititamut inassutigaa, suliaq Aningaasaqarnermut Inuussutissarsiornermullu Ataatsimiititamut kommunalbestyrelsimullu inaarutaasumik akuerisassanngorlugu ingerlateqqinneqassasoq.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...