Sermersooq

Sermersooq kajumissaammik aqagu tunniussissaaq

Pisarnertut pingasut nersornaammut innersuunneqarput

2015-imi nersornaaserneqartut ilaat, Jim Milne

Kommuneqarfik Sermersuup kajumissaataa kiap pissarsiarissavaa?

Taanna apeqqut novembarip 17-anni sisamanngornermi akineqassaaq, kommunip tassani ajugaasoq - imaluunniit ajugaasut - nalunaaqutaq 15.00 saqqummiutissavai.

Akissarsisititsinikkut innuttaasoq imaluunniit peqatigiiffik immikkut ittumik kommunimi najukkami suliniuteqarsimasut nersorniarneqartarpoq.

Atuaruk: Angajoqqaat peqatigiiffiannut, Peqatigiiffik Nuummi Eqqaamasat aamma nipilersortartumut nersorinninnerit

Pitsaasumik iliuuseqarneq
Akissarsiassaq assersuutigalugu inummut imaluunniit peqatigiiffimmut kulturikkut, inuussutissarsiornikkut imaluunniit Kommuneqarfik Sermersuumi isumaginninnermut tunngasumik suliaqartoq nersorniarneqartarpoq. Akissarsitinneqartullu pingasuusinnaasarput.

15.000 koruunit
Kajumissaammik pinnattoq uppernarsaammik pissarsisarpoq, 15.000 koruuninillu pissarsisarluni.

2015-imi Inooqat, ineriartornermigut akorngutillit angajoqqaavisa peqatigiiffiat, nipilersornermik ilinniartitsisoq Jim Milne aamma Peqatigiiffik Nuummi Eqqaamasat nersornaaserneqarput.

Powered by Labrador CMS