ivigaasanik arsaattarfiit
Sermersooq ivigaasanik arsaattarfinnik pilersitsilerpoq
Arsaattarfiit tallimat illoqarfiit pingaarnersaanni inissisimassapput, Tunumilu illoqarfiit marluk tamarmik ataatsimik ivigaasanik arsaattarfittaassaapput
Ulluni makkunani arsaannermut tunngasunut nutaarsiassatsialaqarpoq. Siullermik kalaallit futsalimi landsholdiisa Danmark unammigamikkut naligeeriarlutik ajugaapput.
Aamma maanna Kommuneqarfik Sermersooq ivigaasanik arsaattarfinnik arfineq-marlunnik pilersitsiniarluni nalunaarpoq, taakku Nuummi, Tasiilami aamma Ittoqqortoormiuni inissisimassapput.
Atuaruk: Sungiusaasoq: Nunanut allanut unamminerit amerlanerusut
Periarfissat amerlanerusut
- Naammagisimaarnaqaaq Nuummi innuttaasut timersornermik nuannarisallit tamaasa Nuussuarmi ivigaasanik arsaattarfittut pitsaatigisunik ilassilluarneqarsimaqisumillu atugassaqartissinnaalissagatsigit. Silami timersorsinnaanermut periarfissat pitsaanerulerlutillu amerlanerulissapput, kommunalbestyrelsimi ilaasortaq Poul Hansen (S) kommuuni naapertorlugu taama oqarpoq.
Atuaruk: Futsalimik unammisartut måleqattaarnerup kingorna ajugaapput
Ukunani arsaattarfeqalissaaq:
- ASK eqqaani
- Qinngutsinni
- Arsaattarfik mikineq Inussiviup eqqaaniittoq
- Arsaattarfik angisooq Inussiviup eqqaaniittoq
- USK eqqaani
- Ittoqqortoormiini
- Tasiilami
Aningaasartuutit katillugit 5 millionit koruuniussasut Kommuneqarfik Sermersooq ilisimatitsivoq.
Atuaruk: Ilulissat qallikkamik ivigaaraasanik arsaattarfittaassaaq