Skip to main content

Sermersooq innarluutilinnut inissianik pisivoq

Illoqarfiit pingaarnersaanni innuttaasut innarluutillit pitsaanerujussuarmik atugassaqalissapput, kommunalbestyrelsi aalajangermat innarluutilinnut inissiaqarfimmut aningaasaliissuteqarniarluni

Nuummi innarluutillit 24-it namminneq inissiartaarnissartik qilanaarisinnaalerpaat, Kommuneqarfik Sermersuumi kommunalbestyrelsi aalajangermat inissiaqarfimmut, Qinngutsinni Pisissiani sananeqartumut, aningaasaliissuteqarniarluni.

Innarluutillit ullumikkut Nuummi najugaqarfeqatigiiffinni pingasuni ullutsinnut naleqqutinngitsuni najugaqarput, najugaqartunik allanik uffarfimmik igaffimmillu atoqateqartarlutik.

Kommuni taamatut paasissutissiivoq.

Atuakkat pitsaanerusut

Borgmester Asii Chemnitz Narupip (IA) nuannaarutigaa innarluutillit pitsaanerusumik atugaqalissammata.

– Siuariarnerujussuussaaq innuttaqativut tamakkua ineeqqami igaffeqanngitsumi uffarfeqanngitsumilu najugaqarunnaassammata, taanna tusagassiorfinnut nalunaarutikkut oqarpoq.

Innarluutilinnut najugaqarfittaassaami innarluutillit pitsaanerujussuarmik atugaqalissapput. Tamanna peqatigalugu Tungiuinermut, Suliffissarsiuussinermik Inuussutissarsinermillu Immikkoortoqarfik naliliivoq tamatumuunakkut annertuunik sipaaruteqartoqassasoq.

Tassami maanna innarluutillit najugaqarfii inissiaapput kommunip annertuumik ineqarnermut aningaasartuutigisaani. Tamanna peqatigalugu najugaqarfiit pingasut ataatsimoortilernerisigut sulisut najugaqartunik ikiuisussat ikinnerulissapput.

Inissiat 24-it nutaat tamarmik marlunnik initaqarput 52 aamma 61 kvadratmeterisut angissusillit.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER