Sermersooq illuaqqanik pilersitseqqammerpoq
Illuaqqat oqqiffissat qulisat iluaqutaalluavissapput kommunimmi kissaatigimmagu kommune nunarsuarmi timimik atuiffiunerpaassasoq, innuttaasullu illoqarfimmut qanittumi najugallit qaqqaliartarnissaannut periarfissaqalissallutik silami susassaqarniassammata
Illuaqqat oqqiffissat qulisat marluk Nuummi Qinngutsinni sananeqaqqammerput.
- Nuannaarutigisorujussuuarput marluk atorneqarnissaminnut piareermata, neriuppugullu, Nuummi innuttaasut tamarmik taakkua piffissami aggersumi nuannaarutigiumaaraat, Nuummi Najukkami Ataatsimiititaliami siulittaasoq Poul Petersen oqarpoq.
Illuaqqat nutaat marluk iluaqutaalluavissapput kommunimmi kissaatigimmagu kommune nunarsuarmi timimik atuiffiunerpaassasoq, innuttaasullu illoqarfimmut qanittumi najugallit qaqqaliartarnissaannut periarfissaqalissallutik silami susassaqarniassammata, naak angallammik aallarnissaminnut periarfissaqanngikkaluarlutik imaluunniit ungasissumut pisunnissaminnik pisinnaarpiarunnaaraluarlutik.
Oqqiffiit marluk Qinngutsinni pilersinneqartut imminnut qanikannersumi pilersinneqarput, asiartarfittut atorneqarsinnaanissaanik kissaateqartoqarnera aallaavigalugu. Oqqiffiit angissusiat eqqarsaatigalugu assersuutigalugu atuartut klasse ataaseq taqussaminnik neriartorfigisinnaavaat. Aammami imminnut attuumassuteqanngikkaluartunit atorneqarsinnaapput, soorlu aappariinnit inunnillu ikittunnguanit.
Aamma kingusinnerusukkut Qinngutsinni umiatsialiviup eqqaani pilersitsisoqarumaarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...