Sermersooq Business Council matulersoq

Sermersooq Business Council aningaasaateqarfinnit ingerlanneqartoq ukiortaamiit matuneqassaaq, sulisut kommunip ingerlatsiviini sulisorineqalissapput.

Efter anmodning fra bestyrelsen i Sermersooq Business Councilimi siulersuit, Kommuneqarfik Sermersuumi inuussutissarsiornermik siuarsaanermik ingerlatsisut qinnuiginninnerisigut, kommunalbestyrelsi matoqqasumik ataatsimiinnermi isumaqatigiilluni aalajangersimavoq, kiffartussinissamik isumaqagtigiissut ukiup naanerani atorunnaarsinneqassasoq.

Tassunga taarsiullugu kommunimi tamarmi inuussutissarsiutitigut suliniutit nutaat siuarsarniarlugit suliassat tiguneqassasut aalajangiunneqarpoq, suliassat taamaalillutik immikkoortortami nutaami, Suliffeqarfimmi Kiffartuussinerup ataani Sermesooq Businessimik taaguuteqalersussami ingerlanneqartalissapput, immikkoortortamut nutaamut Ineriartortitsineq Piujuartitsinerlu pillugit immikkoortortaq ilaatinneqalissaaq.

Inuussutissarsiornermut Siunnersuisoqatigiit pingasut

Nutaarluinnartut ataasiinnaanngitsumik, pingasunillu inuussutissarsiornermut siunnersuisoqatigiinnik pilersitsisoqassaaq, tassa Paamiuni Tasiilamilu inuussutissarsiornerup ineriartornera malinnaaffigineruniarlugu. Inuussutissarsiornermut Siunnersortit inuussutissarsiuteqartunit, kommunimi atorfilittani sulisullu kattuffiinit inuttaqartinneqassapput.

Sermersooq Business Councilimi maanna sulisut Sermersooq Businessimi atorfinitsinneqassapput. Nalinginnaasumik sulisut arfineq-pinasuniit qulingiluanut amerlassuseqartarput, maannakkorpiarlli pingasuinnarnik sulisoqarpoq.

Inuussutissarsiornermut pisortamik atorfinitsitsisoqassasoq

- Inuussutissarsiornermut pisortamik, inuussutissarsiornermik siuarsaasussamik atorfinitsitsissaagut, sulisussarsiornerlu qanittukkut saqqummiunneqarumaarluni, kommunimi pisortaq Lars Møller-Sørensen ilisimatitsivoq.

Tasiilami Paamiunilu immikkoortortani pisortat inuussutissarsiutinik siuarsaanermik akisussaaffeqassapput inuussutissarsiornermullu pisortanngortussamut atassuteqassallutik.

- Taamatut nutaajunerusumik aaqqissuussinitsigut periarfissaqalissaagut, inuussutissarsiornermik siuarsaalluni suliniutissat ukiuni arlalinni ingerlanneqarsinnaasut ataqatigiissaarneqarnissaannut. Peqatigitillugu ukiumoortumik inuussutissarsiorneq pillugu politikkerit inuussutisssarsiornermilu siunnersuisoqatigiit pingasut peqatigalugit isumasioqatigiittarnikkut aqqutissat isumaqatigiissutigineqartarnissaat qulakkeertassavarput, Lars Møller-Sørensen nassuiaavoq.

Illoqarfiit pingaarnersaata kommunia kiffartuussinissamik isumqatigiissut naapertorlugu maannamut 10 millioner koruuninik Sermersooq Business Councilimut tunniussaqarsimavoq.

2012-imi pilersinneqartoq

Aningaasaateqarfik Sermersooq Erhvervsråd 2012-imi pilersinneqarpoq, aningaasaateqarfiullu aaqqissugaanerani aporfiusrsimaqaaq. Aamma kommunip aaqqissugaaneranut tamarmut suliniutiginiakkanullu attavilerneqarnissaa amigaatigineqartarsimavoq.

Tamaasa immikkoortortamut ataatsimut katersuunnerisigut, inuussutissarsionermullu siunnersuisoqatigiinnut pingasunut avinnerisigut kommunerujussuarmi illoqarfiit marluk illoqarfiit pingaarnersaanni aningaasaliisarnerpassuarnut ilaatinneqarneq ajortut ukkatarineqarnerulissapput.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS