Sermersooq asfaltilersuinermut akisuallaanngitsumik suliaqartitsisinnaanngortoq

Kommuneqarfik Sermersuumi Nuuk aqqusiniluppoq. Suliffeqarfiup asfaltilersuisartutut namminersortuusup akigititanik qaffaasinnaanera pinngitsoortinniarlugu, kommuni Munck Gruppenimik, nutaamik mittarfiliortumik isumaqatigiissuteqarsimavoq

Nuummi aqquserngit asfaltitai nungullarsimaqimmata 2019-iinnarmi tre millioner koruunit aserfallatsaaliinermut atorneqarsimapput, mittarfiliortullu Munck Gruppenip asfaltiliorfik atorusussimanngilaa, qulanaatsumik ingelatsisinnaanera tatiginnginnamiuk aamma asfaltimik pitsaasumik tunniussisinnaasorinnginnamiuk.

Sanarfinermut Avatangiisunullu Ingerlatsivimmi pisortap Hans Henrik Winther Johannsenip ataatsimiititami ilaasortat marlunngormat ilisimatissimavai, Nuummi asfaltimik pilersuinerup siunissamut qulakkeerniarneqarnera unammillernartoqartoq pillugu.

Akisuallaartoq

- Ingerlatsivik qaammatini marlunni aaqqiissutissarsiorluni suliaqarsimavoq, tassani qulakkeerniarlugu kommunip kisiartaalluni asfaltimik suli pilersuisuuginnarnissaa, aamma suliffeqarfiup namminersortup ataasiinnaap sanaartornissamut tunngatillugu kisermaassisutut pisinnaatitaaffeqannginnissaa. Nalilerneqarpoq, suliffeqarfiup namminersortup kisermaassilluni aqqusinernik aserfallatsaaliuinissaa minnerunngitsumillu asfaltilersuilluni sanaartornermi akisuallaarsinnaasoq, ataatsimiititap ataatsimiinneranit imaqarniliami allassimavoq.

Qularutissaanngilaq aaqqiissutissarsiortoqassasoq. Siorna asfaltilersuiniarneq ajornartorsiutitaqarsiavoq, tassa suliffeqarfiit namminersortut suliaqartinniarnerat unitsiinnarneqarsimavoq, asfaltiliorfiup arlaleriarluni ajortittarnera pissutigalugu. Aamma asfalti pitsaanngimmat asfalti annertoorujussuaq igiinnarneqarsimavoq.

Asfaltiliorfik nutaaq

Munck Gruppernip asfaltiliorfimmik nutaamik avatangiisinullu mingutsitsinngitsumik ukioq manna atuutsitsilereersinnaanera pillugu ingerlatsiviup isumaqatigiissuteqarfigisimaneranut tamanna tunngaviuvoq.

- Asfaltiliorfik Munck Gruppenip Kommuneqarfik Sermersuumilu sulisut peqatigiillutik ingerlatissavaat. Munck Gruppenimi sulisut Kommuneqarfik Sermersuumi sulisut asfaltiliorfimmik ingerlatsisarnermik ilinniartissavaat, ingerlatsivimmi pisortaq oqaluttuarpoq.

Munck Gruppen mittarfiliorluni naammassippat - pilersaarutit malillugit 2023-mi - kommunip asfaltiliorfik pisiarissavaa, asfaltiliorfiup qanoq nungullartigisimanera Munck Gruppenillu nalikilliinera eqqarsaatigalugit akigititassamik isumaqatigiissuteqarluni.

Iluaqutissartai

Pisortap iluaqutissatut uku oqaatigai:

Aserfallatsaaliinermi aningaasartuutikinneruneq.

Ingerlatsinermi aningaasartuutikinneruneq. Asfaltiliorfik nutaaq inuup ataatsip inuilluunniit marluk ingerlassinnaavaat, asfaltiliorfitoqaq inunnit sisamanit tallimanilluunniit ingerlanneqartariaqarluni.

Avatangiisinut mingutsitsinnginnerusumik asfaltiliorneq. Asfaltiliorfik nutaaq asfaltitoqqanik atueqqissinnaavoq, EU-llu aniatitsinissamut piumasaqaatai naapertorlugit aniatinneqartut nakkutigineqarsinnaallutik. Asfaltiliorfitoqaq taamatut periarfissaqanngilaq.

Asfaltiliorfik nutaaq kommunimi SIK malillugu aningaasarsiaqartartut amerlanerit suliffeqaannarnissaanik qulakkeerinnissaaq. Nutaamik mittarfiliornermut atatillugu Ingerlatsiviup asfaltilersuinissaq pillugu SIK isumaqatigiissuteqarfigisimavaa.

Illoqarfimmi aqquserngit pitsaanerusumik asfalteqalernissaat.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS