Skip to main content

Sermersooq aatsitassanik uninngatitsiviliornissamut akuersissuteqarallarpoq

Aqqartartut suliffeqarfiutaat Masik Nuummi aatsitassanik uninngatitsivliornissamik pilersaarumminik ingerlatitseqqissinnaanngorpoq, kommunalbestyrelsip suliniut politikkikkut akuersissutigimmagu.

Aqqartartut suliffeqarfiutaat Masik aalajangiisinnaasuuppat Nuummi aatsitassanik uninngatitsiviliortoqassaaqq, pilersaarutillu piviusunngortinneqarsinnaaneranut suliaq ingerlaqqissinnaanngorpoq.

Masik, Mike Høeghimit pigineqartoq talittarfiliorlunilu aatsitassanik uninngatitsiviliorniarpoq, ilaatigut imarsiornermi atortut Nuummi sineriammilu sanaartortunut tunineqartinnagit suliarineqartassallutik.

Uninngatitsivik Nuummi pinerluuteqarsimasunut inissiisarfiup nutaap eqqaaniitinneqarniarpoq.

Kommunalbestyrelsen i Kommunqarfik Sermersuumi kommunalbestyrelsip suliniutip immikkoortua siulleq marlunngormat politikkikkut akuersissutigisimavaa.

Akuersissuteqartoqarneratigut Masik ukiuni marlunni nunaminertamik atuinissamut periarfissinneqarpoq, ukiullu marluk ingerlaneranni ingerlatseqatigiiffik - kommunip pilersaarutaanut ilassummi - uninngatitsivik sumi inissisimassanersoq erseqqinnerusumik pilersaarusiorsinnaanngussaaq.

Pilersaarummut piumasaqaateqarneq

Masik pilersaarusiornermut nammineq aningaasartuuteqassaaq, pilersaarullu naammassineqarpat pilersaarummut ilassut VVM-ilu pillugu nalunaarusiaq tamanut tusarniaassutigineqaqqaassapput, nunaminertamik tunniussisoqartinnagu, tunniussisoqarpallu sanaartorneq aallartinneqarsinnaanngussalluni.

Illussanik titartaasarfik Thomas Riis ApS Aqqartartut suliffeqarfiat Masik sinnerlugu suliniummut pilersaarusioqqaarallarsimavoq.

Sanatitsisussaq naapertorlugu aatsitassanik uninngatitsivissamut kommuni sipaaruteqassaaq, suliniummit ujaqqanik imaaneersunik pisiaqartarnissaq allarniutigineqartussaammat. Ujaqqat pineqartut maannakkorpiaq Norgemit tikisinneqartarput, Nuumi sioqqat ujaqqallu qaqqameersut pisaaavallaannginnerat pissutigalugu.

Kommuneqarfik Sermersuumi ingerlatsiviup suliniummut uku piumasaqaatigisimavai:

  1. Pilersaarummik piginnittoq pisortat immikkoortumi sanaartorfigissarsimasaanni suliaqarfissani nammineq akilernissaanut pisussaaffilerneqassaaq. Tassunga atatillugu 4-5-inik inuussutissarsiornermi nunaminertanik pilersitsisoqarnissaa pilersaarutaavoq.
  2. Immikkoortumi inissiaqassanngilaq allanilluunniit unnuisarfeqassanngilaq.
  3. Immikkoortumi pisuttunut ujakkaartunullu angalaarfigineqaannarsinnaanissaa sulissutigineqartariaqarpoq.
  4. Inissamik pisariaqartitsineq sukumiinerusumik nassuiaatigineqassaaq.
  5. Pilersaarutip ineriartortinnissaanut siunnersuutinut tunngatillugu piffissamut killiliussassanik piumasaqaateqartoqassaaq.

Suliniut pillugu januaarimi innuttaasunik ataatsimiisitsisoqarmat Mike Høeghip oqaatigaa, uninngatitsivissaq 2023-mi tunisassiornissamut piareersimasinnaasoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER